Рок Мангас шиг архинаас гарцгаа!

Монголын рок попын ганцхан мангас Мөнхсайхан хоолны нэвтрүүлгээрээ олны танил нөхдийг урьж, бас хоолыг нь тамшаалан үнэлэлт өгөхөө болиод удаж байна. “Миний сүлжээ” дэлгүүрийн маркетингийн албанд даргын алба хаших болсон ч үндсэн имиж болсон цагираган ээмэг, савхин хүрэм, эрээн бандагаасаа салах бол тун дургүй. Тиймдээ ч “Миний сүлжээ”-ний стил имиж өөр нэгэн бол тэр ганцаараа л гэх юм билээ. Хэдэн жилийн өмнө хатуухан ундаанд хайр зарласан ч алдаагаа засаж болдгийг өөрийн биеэр урлагийн нөхдөдөө харуулаад авсан түүнийг өдгөө рок попынхон үлгэр жишээ мангас хэмээдэг. Өөрөө засраад зогсохгүй өрөөлийг ч ажил амьдралын садаа болсон болдоггүй идээнээс хол байхыг сануулах рок дарга ажилчдадаа энэ тал дээр хатуухан шаардлага тавьдаг гэнэ. Тиймдээ ч ажлын цагаар хөнгөн жаргалд автан хөлчүүрхсэн нөхдийг рок мангас үгийн өчиггүй л халж орхидог сурагтай.

Эх сурвалж: Тэргүүн сонин