Кэти Перри Хиллари Клинтоны дүрээр Халлоуины баярт...

Fireworks” “Roar” зэрэг олон гайхалтай уран бүтээлийн эзэн Кэти Перри Ардчилсан намаас АНУ-ын ерөнхийлөгчийн сонгуульд нэр дэвшигч Хиллари Клинтонг тууштэй дэмжигч билээ.

Хувь хүн болон уран бүтээлчийн үүднээс Хиллари Клинтонг дэмжиж буйгаа хөгжилтэй байдлаар олонтаа илэрхийлсэн байдаг. Хиллари Клинтонд барьсан дуучин бүсгүйн ээлжит дэмжлэг бол Халлоуины баяраар “яг түүн шиг” болжээ. Нүүрэндээ хиймэл арьс наалгаж, үс гэзэг гадаад байдал, хувцаслалтыг нь ялгахын аргагүй дуурайж чадсан Кэти Перриг танихын аргагүй байлаа.

Түүний гадаад төрхийг хатагтай Клинтон шиг харагдуулж чадсан хүн бол нүүр хувиргагч Тони Гарднер. Тони Гарднер бол Zombieland, Jackass Presents: Bad Grandpa, болон Shallow Hal зэрэг киноны жүжигчдийн нүүр хувиргалтыг маш чадамгүй хийсэн мэргэжилтэн юм. Хатагтай Хиллари-Перригийн нөхөр буюу Билл Клинтоны дүрийг түүний найз залуу жүжигчин Орландо Блум бүтээжээ.

И.МӨНХЦЭНГЭЛ