Барилгын талбайгаас дэлхийд хамгийн урт могой олджээ

Малайзад баригдаж байсан нэгэн барилгын талбайд унасан модны доороос найман метр гаруй урттай аварга том питон могой олджээ. Харамсалтай нь могой аль хэдийнэ үхсэн байсан аж. Дэлхийн дээд амжилтыг бүртгэдэг “Гиннессийн ном”-д “Хамгийн урт могой” хэмээн бичигдсэн “Медуза” хэмээх могой долоон метр, 67 сантиметр урт, 180 кг жинтэй. Малайзаас олдсон могой хэрвээ амьд байсан бол Медузагийн оронд Гиннессийн номд бүртгэгдэх байжээ. Үхсэн аварга могой жингийн хувьд ч Медузагаас хавьгүй хүнд буюу 250 килограмм татсан аж.

С.Төгөлдөр