“Гэрээт” ажилчнаас Солонгосын хөгжмийн ертөнцөд хөл тавьсан Монгол залуу

Хилийн чанадыг зорьсон ч эх орныхоо нэрийг гаргаж яваа олон залуус бий. Үүний тод жишээ бол, бие даан дуулсан “At the And of the world” /Ертөнцийн хязгаарт/-т дуу нь Өмнөд Солонгосын хөгжмийн хит парадын шилдэг наймд багтаж цахим ертөнцийг шуугиулаад байгаа Сэргэлэнгийн Гантогоо юм. Тэрээр МУБИС-ыг газар зүй, заах аргазүйн багш мэргэжлээр дүүргэсэн ч дүү нартаа сургалтын төлбөрт нь мөнгө нэмэрлэх зорилгоор БНСУ-ыг зорьсон гэдэг. Долоон жилийн хугацаанд алх хадаас барихаас авахуулаад гоймонгийн үйлдвэр, махны үйлдвэр гээд “Хар” ажил хийх үедээ шантрах үе байсан ч дуу дуулж, эрч хүчээр өөрийгөө цэнэглэдэг байсан гэнэ. Улмаар гэрээний хугацаа нь дуусч, багын мөрөөдлөө даган “Монтант” хэмээх найрал дууны хамтлагт шалгуулж тэнцсэнээр урлагийн гараа нь эхэлжээ.

2017-01 сар. “Зиндаа” сэтгүүл №2 /502/