“Miss world” тэмцээнд анх удаа түүхэн амжилт үзүүлэв

Хүн төрөлхтний гоо үзэсгэлэнгийн олимп гэгддэг 66 дахь удаагийн “Miss World” тэмцээнд Монгол Улсын мисс 11 дүгээр байрт шалгарсан нь манай улсын хувьд тус тэмцээнд үзүүлсэн түүхэн амжилт боллоо.

АНУ-ын Вашингтон хотноо “Нэг дэлхий- Нэг мөрөөдөл, Дэлхийн мисс хамтдаа” уриан дор 117 орны гоо бүсгүйг нэгтгэсэн тэмцээн болж өндөрлөсөн.

Үүнд Монгол Улсаа төлөөлөн Алтангэрэлийн Баярцэцэг оролцож, “Дэлхийн гоо бүсгүй” шалгаруулах тэмцээний үнэлгээнд энэ жил шинээр орж ирсэн MOBSTAR санал асуулгаар тэргүүлж топ 11-т шалгарсан юм. Тэрбээр “Miss World-2016” наадамд “Эх орноо сурталчилсан видео танилцуулга” номинацийн тэргүүн байрт шалгарсан байна.  

2017-01 сар. “Зиндаа” сэтгүүл №2 /502/