Э.Бат-Амгаланг Баянзүрх дүүргийн Засаг даргаар батламжлав

2019 оны 03 сарын 30

Баянзүрх дүүргийн ИТХ өчигдөр /2019.03.29/ ээлжит хуралдаанаа хуралдуулж төлөөлөгчдийн бүрэн эрхийг батламжлах, Тэргүүлэгчдийн бүрэлдэхүүнийг өөрчлөх, дүүргийн Засаг даргыг томилох асуудлыг хэлэлцлээ.

Өнгөрсөн 2016 онд явуулсан дүүргийн ИТХ-ын сонгуулийн үеэр нэр дэвшигчид мөнгө тараасан маргаан гарснаар гурван шатны шүүх хэргийг хянаж, энэ сарын 23-нд дахин сонгууль явуулсан юм. Дахин сонгуульд МАН-аас нэр дэвшигч Б.Галхүү, Г.Доржпалам нар олонхын санал авсан тул өнөөдөр Сонгуулийн ерөнхий хорооноос гаргасан тогтоолыг үндэслэн бүрэн эрхийг нь хүлээн зөвшөөрч, батламжлав.

2016 оны сонгуулийн маргаан шийдэгдээгүй тул тус дүүрэг хоёр жил гаруй хугацаанд Засаг даргагүй байсан юм. Тэгвэл Баянзүрх дүүргийн ИТХ-ын өнөөдрийн хуралдаанаар Засаг даргад Э.Бат-Амгаланг дэмжиж, батламжлуулахаар нийслэлийн Засаг даргад нэрийг нь өргөн барив. Нийслэлийн Засаг дарга С.Амарсайхан Баянзүрх дүүргийн ИТХ-аас ирүүлсэн саналыг судалж, Э.Бат-Амгаланг дүүргийн Засаг даргаар томилов.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
саранчимэг (43.243.160.18)  2019 оны 04 сарын 10

Батамгалан даргаа төсвийн захиран зарцуулалтанд маш сайн анхаарч ажиллаарай та чаднаа

0  |  0
Бат-Амгалан үнэн чад (95.90.255.236)  2019 оны 03 сарын 30

Энэ залуу ОУХ ны дээд сургуульд дэндүү хичээлдээ муу үнэн хүн чанаргүй залуу бсан хичээлдээ ер ирдэггүй охидыг элдвээр хэлдэг. Сургуулиа хуулж л төгссөн бх? Яаж яваад эрх зүйч болсон 2 жил хуулийн ангид сураад л эрх зүйч болох уу? Би энэ залууд яагаад ч итгэхгүй бна

0  |  0
Top