Буриадад баавгай хүн идэж, түгшүүр зарлалаа

Автор | Zindaa.mn
2019 оны 10 сарын 09

ОХУ-ын Буриадын Байгаль орчны хяналтын газраас баавгайн халдлагаас иргэдийн амь нас, эд хөрөнгийг хамгаалах, болзошгүй аюулаас урьдчилан сэргийлэх анхааруулга гаргалаа.

Энэ жил Сибирьт гарсан ойн түймрийн улмаас идэх хоол хүнсгүй болсон баавгай Байгаль нуур орчмын нутаг руу олон тоогоор нүүдэллэж байгааг шинжээчид тогтоосон байна.

Онцгой байдлын албанд баавгай тосгонд орж ирлээ гэсэн мэдээ өдөр бүр ирж байгаа аж. Баавгай малчдын мал сүрэг, нохойнд халдахаас гадна хүний аминд хүрсэн хэрэг гарчээ. Энэ сарын 6-нд Байгалийн хязгаарын Хилок дүүргийн ойд 50 настай эмэгтэй баавгайд бариулж, амь насаа алдсан байна. Эмэгтэйн цогцсыг Тэрэпхэн тосгоноос 200 км хол орших ойгоос олжээ.
 


Энэ сарын эхээр Бичура тосгоны дунд сургуулийн ойролцоо хоол хайн явж байсан баавгай хүүхдүүдийн амь насанд аюул учруулж байсан тул цагдаа нар буудаж устгахаас өөр аргагүй болсон байна.  

Буриадын Байгаль орчны хяналтын газраас “Баавгай үнэрээр нь ирэх магадлалтай тул  хоол хүнсний хаягдлаа ил хаяхгүй байхыг анхааруулъя. Ойд явахдаа баавгай хаанаас ч гарч ирж магадгүй тул анхаарал болгоомжтой байх, дуу чимээтэй явах. Хүнсний хаягдал, малын сэг зэмийг бүрэн устгах. Баавгай тааралдвал хүмүүст анхааруулж, 112 дугаарт залгаарай” гэж дурджээ.
 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (103.229.123.154)  2019 оны 10 сарын 10

Хөөрхий амьтад хоолгүй болоод сүйрч байна доо хүн төрөлхтөн 7 тэрбум болж үржээд дэлхийг бүрхсэн гамшиг болж байна доо хамгийн хачин гал тавьсан уурхай ажиллуулсан хүмүүсийг идэхгүй зүгээр байгаа өртчих юм

1  |  0
иргэн (192.82.64.220)  2019 оны 10 сарын 09

байгаль өөрөө хүн төрөлхтөнөөс хариугаа авч эхлэх нь энэ үү. Урьд хожид сонстоогүй зүйл сонсогдох боллоо. Хэзээ хөвчийн амьтан талд тэр тусмаа хүний орших нутаг дэвсгэрт орж ирж заналхийлж байсан юм бэ? Үүнийг судлахаас өөр аргагүй зүйл байна.

0  |  0
zochin (202.126.88.156)  2019 оны 10 сарын 10

Setgel amar amidrah arga alga an amitdaas hvrtel iah um huulia uurchluud ustgaach neg ih huuli murddug hvmvvs hvnee bod l do hool hvnsgvigers bolood baavgai hvn mal baraadaad bga um u hezee hooltoi bolj oidoo bytsahiigtootsooloh hvn bgaamu tsaasdaa an amitadtai hamt amidrah nuhtsul vvseed bgaam bish v

1  |  1
hahaha (185.39.141.141)  2019 оны 10 сарын 11

baavgai taaraldval utas aa zalgaad yaroulah yumuu haashaa yum.. kkk

3  |  0
Top