ФОТО: “Хагибис” хар салхи 35 хүний амийг авч одлоо

Японд энэ сарын 12-ны үдшээс 13-ны өдрийг дуустал “Хагибис” хар салхи бууж, их хэмжээний хохирол учрууллаа. Энэ хар салхийг Японы түүхэнд сүүлийн 60 жилд гарсан хамгийн том хар салхи гэж дүгнэж байна.
 

Одоогийн байдлаар 35 хүн амь насаа алдаж, 18 хүн сураггүй алга болон, 185 хүн хүнд, хөнгөн гэмтэл авчээ. Эрэн хайх, аврах ажиллагаа үргэлжилсээр байна.

Кавасаки хотын эрэг орчим Панамын хөлөг онгоц живж, тус хөлгийн таван усан цэрэг амь насаа алджээ.