Д.Хаянхярваа: Цаашдаа Ц.Сандуй, А.Ганбаатар шиг хүмүүсийг шоронд хийсээр байх болно

М.Хангал | Zindaa.mn
2019 оны 12 сарын 05

УИХ-ын Төрийн байгуулалтын байнгын хорооны өнөөдөр /2019.12.05/-ийн хуралдаанаар УИХ-ын гишүүн Л.Энх-Амгалан нарын зургаан гишүүний 2018 оны арванхоёрдугаар сарын 2-нд өргөн мэдүүлсэн Улсын Их Хурлын сонгуулийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.

Хэлэлцэж буй асуудалтай холбогдуулан УИХ-ын гишүүн Д.Хаянхярваа “Сонгуулийн хуулийг хэлэлцэх явцад засаж залруулах зүйл гарах байх. Хуулийн төслийн 75.2.2-оос эхлээд 75.2.5 хүртэлх заалтуудад тогтолцоог заажээ. Үндсэн хуулийн нэмэлт, өөрчлөлтөөр бид ийм хэлбэрийг томьёолж оруулж ирсэн боловч унагасан. Гэтэл Сонгуулийн хуулиа оруулж ирэхдээ Үндсэн хуулийн өөрчлөлтөөр дэмжээгүй хувилбараа оруулж байгаа нь Үндсэн хууль зөрчсөн үйлдэл болохгүй юу. Хэрэв тийм бол Сонгуулийн тухай хууль өргөн барих нь ёс зүйгүй асуудал. Хэдхэн хоногийн өмнө Үндсэн хуулиа баталж, алга нижигнүүлэн ташчихаад буцаагаад Үндсэн хуульдаа нулимж байгаа юм биш биз. Мөн том тойргоор 26 хүний жагсаалт гаргана гэсэн байна. Хувь хүн энэ жагсаалтад орно гэвэл яах вэ. Та намаас өрсөлд гэж болохгүй. Бие даагч хүн улсын хэмжээнд өрсөлдөнө гэвэл хэрхэн хандах вэ. Түүнчлэн сонгуулийн хандивын заалтууд шинэчлэгдээгүй харагдаж байна. Биет хөрөнгийг ашиглуулж болно гэсэн илүү зүйл нэмсэн бололтой. Хандив гэдэг зүйлд бид хэрхэн хандах вэ. Намын санхүүжилтийг хэрхэн цэгцлэх вэ. Би өнгөрсөн сонгууль шиг зүйл болох вий гэж болгоомжилж байна. Сонгуулийн хандив босгох гэж схем зурж ярьчхаад өнөөдөр хилсээр хоёр нөхрийг шоронд хийчихсэн. 1500 гаруй төрийн албан хаагчдаас мэдүүлэг авч мөнгөөр ажилд орсон гэдэг нь нотлогдоогүй байхад яг тийм заалтаар яллах гэж байгаад гэнэт хальт үсрээд шал өөр зүйл ангиар Ц.Сандуй, А.Ганбаатар нарыг дөрөв, дөрвөн жилээр яллаад шоронд суулгачихсан. Хэрэв бид хуулиа боловсронгуй болгохгүй бол цаашдаа нам, олон нийтийн төлөө зүтгэж явсан хүмүүс шоронд ордог үүд хаалга хэвээр үлдэх юм биш биз дээ. Ер нь сонгуулийг худалдаж авдаг тогтолцоог өөрчлөх заалт оруулж болохгүй юу. Жишээлэхэд, сонгуулийн бүрэн эрхийн хугацаанд УИХ-ын гишүүнд төлбөргүй хандив, үйлчилгээ үзүүлж болохгүй гэх заалт оруулмаар байна. Тэгсэн цагт УИХ-ын гишүүн элдэв долоон зүйл нэхүүлээд байхгүй, яг хуулийнхаа хүрээнд ажлаа хийх боломж бүрдэнэ гэж бодож байна” хэмээн лавлав.

Үүнд УИХ-ын гишүүн Л.Энх-Амгалан “Бие даагч улс 26-д нэр дэвших боломж байхгүй. Улс нэг тойрог гэсэн тогтолцоонд нам болон эвслүүд нэр дэвшүүлэх эрхтэй. Бие даагчид жижиг 50 тойрог дээрээ нэр дэвшинэ. Өмнөх сонгуулийн үеэр ч бие даагч нарын асуудал том тойрог дээр хаалттай байсан. Мэдээж бидний санал болгож байгаа хувилбар хамгийн төгс биш. Сонгуулийн тогтолцоо болгон сул талтай байдаг. Энэ тогтолцоогоор хүнд өгсөн саналыг намд өгснөөр хувь тэнцүүлж хуваарилахад жижиг намуудын олон санал авсан хүмүүсийн эрх ашиг хөндөгдөх асуудал байдаг. Бусад улсад үүнийг зохицуулсан байдаг. Голландад 25-аас дээш хувийн санал авсан бол дараалал харгалзахгүйгээр жагсаалтад ордог тогтолцоо бий. Харин санхүүжилтийн хувьд ил тод байх ёстой гэж байгаа. Үндсэн хуульд улс төрийн намын зохицуулалтыг оруулсан. Сонгуулийн хуулийн дараа цаг алдалгүй Улс төрийн намын тухай хуулийг хэлэлцэх учиртай. Ажлын хэсгийн С.Бямбацогт гишүүн ахалж байгаа. Энэ хуулиар улс төрийн нам ямар санхүүжилттэй байх нь тодорхой болно. Хуулийн төсөлд бид зардлын дээд босго тавьж байгаа. Газар нутгийн хэмжээ, сонгогчдын тооноос шалтгаалсан зардлуудыг Аудитын ерөнхий газар, Сонгуулийн ерөнхий хороо хамтарч зардлын босгыг батлах зохицуулалт орсон. Таны хэлсэнчлэн мөнгөний сонгууль болдог гэдэгтэй санал нэг байна. Цаашид сонгуулийг зардал багатай, шударга явуулах вэ гэдэг эрмэлзлээр ажилласан” хэмээн тайлбар хийлээ.

Байнгын хорооны хуралдаан үргэлжилж байна.

Сэтгэгдэл ( 12 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Лувсан(66.181.191.69) 2020 оны 03 сарын 16

Ардчилал гэдэг үгээ хаанаас олж авсан юм бол энэ үгийг гадаад хэлээр нь надад нэг их мэдэгч тайлбарлалаа. Тэр нь демократ гэдэг юм байна л даа.монгол хэлнээ буулгахад латин хэл хэрэг боллоо. ”ДЕМО” -ард буюу ардын ”Крат” гэдэг нь засаг гэсэн үг байлаа. харин ард чилал гэдэг үгийг задлан шинжвээс ”АРД” ”ЧИ” ”Л” ”АЛ” гэсэн үг гарлаа. Ингээд монгол улс маань олон улсын эдийн засгийн алуурчдад эх орноо тавьж өгөх эрх зүйн үндэсээ бий болгожээ.\n

0  |  0
Лувсан(66.181.191.69) 2020 оны 03 сарын 16

Ажилчин малчин сэхээтэн цэргийн албан хаагчийн төлөөлөлтэй хоёр танхимтай байлгахаас яагаад айдаг юм бол? сонгогдсон их хуралдаандаа намын бүлгээ байгуулж болдоггүй гэсэн заалтыг хэн албан ёсоор гаргасан юм. Хэзээ ч хэн ч гаргаагүй хууль журам үйлчилж ард иргэдийг байнга хохироож байх юм жишээ нь: Банкнаас зээл авахд үл хөдлөх хөрөнгийн барьцаа шаарддаг.”заавал үл хөдлөх хөрөнгө тавь” гэсэн хууль эрх зүйн акт монгол улсын эрх зүйн акт огт байхгүй. Иймд орон нутаг баг сум хэсэг хороо дүүргээсээ эрдэм боловсролгүй ч гэсэн итгэл даах ардыг сонгож болохгүй гэж хуульчилсан эрхийн акт хаана байна.

0  |  0
Enh(202.126.89.111) 2019 оны 12 сарын 06

Хамтрагч бололтой.

0  |  0
Zochin(202.9.46.124) 2019 оны 12 сарын 06

Xuue udaxgyi chi uuruu shorondoo orno.

0  |  0
ахмад настан(103.57.92.58) 2019 оны 12 сарын 06

саяхан л энэ гишүүн хийгээгүй хэргийн төлөө энэ хүмүүс шийтгүүллээ гээд л мэдэгдэл хийж байсан харин одоо ийм хүмүүсийг шийтгэсээр байх болно гэж том дуугарч эхэлсэн нь үнэнч хүний дүр эсгэж дахиж сонгогдох гэсэн шоу болов уу, энэ мэт нөхдүүд дахиад л гараад ирнэ дээ ой гутмаар юм шүү

0  |  0
Zochin(139.5.219.151) 2019 оны 12 сарын 05

Kkk.uuruu suuchahvii dee

0  |  0
ZOCHIN(180.150.82.98) 2019 оны 12 сарын 05

HAYNHYRVAA SONGUULI DUHUHUUR L GENET GEMGUI HUNII DURD HUVIRAHIIN...MI .ENHBOLDIIN BURUU GEED HELJ CHADAHGUI L HOINO ULS TURUUS ZAILSAN N DEER...

0  |  0
иргэн(59.153.112.161) 2019 оны 12 сарын 05

Хэн ч би мөнгө өгч ажилд орсон гэж хэлэхгүй. Гэхдээ албан тушаалд мөнгө өгч ордог гэдгийг бол хүн бүхэн мэднэ. Хорчин хаянхярваа чи зүгээр л зайл

0  |  0
zochin(202.9.46.40) 2019 оны 12 сарын 05

чамайг ч бас хийнэ

1  |  0
Иргэн(202.9.40.16) 2019 оны 12 сарын 05

Хонгор сумыг сүйд хийсэн өөдгүй энэ хүн бол хуурамч хүн

1  |  0
Hayan zov helj (103.87.255.74) 2019 оны 12 сарын 05

Undsen huuliar unsan zaaltaa xuuliin neriig oorchlood oruulj irj bga n yaaj bgaa ym boldoo

0  |  1
z(66.181.184.115) 2019 оны 12 сарын 05

Hayanhivaa shig humuus turd garaad baigaa uchraas shorond hiihgui bol bolohgui baigaa yumaa

1  |  0
Top