Германы “Mercedes-Benz” зах зээлээс 669 мянган автомашиныг эргүүлэн татна

Я.Болор | Zindaa.mn
2020 оны 07 сарын 06

Автомашин үйлдвэрлэгч “Mercedes-Benz” компани Хятадын зах зээлээс 669 мянга орчим автомашиныг эргүүлэн татахаар болжээ. Синьхуа агентлагийн мэдээлснээр, түлш алдагдах асуудал үүссэнтэй холбоотой автомашинуудыг эргүүлэн татаж байгаа аж.

C-,E- болон V классын автомашинуудыг ирэх арванхоёрдугаар сарын 18-наас эхлэн эргүүлэн татах гэнэ. Тус агентлагийн мэдээлснээр, өндөр даралтын хөдөлгүүрийн түлшний насос, нам даралтын түлш дамжуулагч хоорондын холболт удаан ашигласны дараа суларч, түлш алдагдахад хүргэх эрсдэл үүсжээ.

Автомашины гэмтэлтэй эд ангийг үнэгүй солино гэж тус компани мэдэгдсэн байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top