Индонезийн Бантен мужийн Тангеранг хотын шоронд өнгөрсөн шөнө түймэр гарч, 41 хүн амиа алджээ.
CNN Indonesia-гийн мэдээлснээр албаныхан түймрийн үеэр гэмтэж бэртсэн хүмүүсийн тоог гаргахад бэрх байна гэжээ.
Амиа алдсан хүмүүсийн тоо ч эцсийн байдлаар гараагүй аж.
Хорих газрын гал гарсан С блокт хар тамхины хэргээр хоригдож буй хүмүүс байжээ. Тус шорон нь 600 хэрэгтний хүчин чадалтай ч 2000 гаруй хоригдол байсан гэнэ.
Цахилгааны богино холбоо үүссэний улмаас гал гарсан байж болзошгүй гэсэн урьдчилсан таамаг дэвшүүлжээ.
Сэтгэгдэл ( 0 )