ДЭМБ: 2022 онд Европт хэт халуунаас болж 15 мянган хүн нас баржээ

Энэ онд Европыг нөмөрсөн хэт халалтыг улмаас 15 мянга гаруй хүн амиа алдсан тухай Дэлхийн эрүүл мэндийн байгууллага мэдээлжээ.

Зуны гурван сард Испанид дөрвөн мянга, Португалд нэг мянга гаруй, Их Британид 3.2 мянга, Германд 4.5 мянган хэт халуунаас үүдэлтэй нас баралт бүртгэгдсэн байна.

Ингэхдээ хүмүүсийн үхлийн голлох шалтгаан нь халууны стресс буюу бие организм илүүдэл халууныг гадагшлуулж чадахгүйн улмаас биеийн халуун нэмэгдэж, зүрхний агшилт түргэсдэг байна. Үүнээс гадна, хэт халалт зүрх, судас, амьсгалын замын өвчин болон чихрийн шижин зэрэг хууч өвчнийг сэдрээх аюултай байдаг аж.