Филиппинд 6 магнитудын хүчтэй газар хөдлөв

Филиппинд өнөөдөр өглөө 6 магнитудын хүчтэй газар хөдөлжээ. Үүний дараа 40 орчим удаа газар чичирхийлсэн тухай тус улсын Газар хөдлөлт, галт уул судлалын хүрээлэн мэдээлжээ.

Эхний газар хөдлөлт болсны дараа 1.5-4.2 магнитудын хүчтэй нийт 38 газар хөдлөлт бүртгэгдсэн байна. Чичирхийлэл хэдэн өдрөөс хэдэн долоо хоног хүртэл үргэлжилнэ хэмээн тус хүрээлэнгийн захирал Терезито Бакаколь анхааруулсан байна. Газар хөдлөлтийн улмаас хэд хэдэн байшинд ан цав үүсжээ.

Газар хөдлөлтийн голомт Батуан хотоос 11 км зайд 10 км гүнд бүртгэгдсэн байна.