Орчин хязгаарлагдсаны улмаас 5 МАШИН осолдож, хүний амь хохирчээ

Цагдаагийн байгууллагад өчигдөр буюу дөрөвдүгээр сарын 10-ны өдрийн 13 цаг 50 минутад Дорнод аймгийн Халх гол сум, 2 баг, Газрын тосны 21 дүгээр талбайн урд зам тээврийн осол гарч автомашинууд мөргөлдсөн” гэх дуудлага, мэдээлэл бүртгэгдсэн байна. 

Дуудлага, мэдээллийг тус аймгийн цагдаагийн газраас шалгахад хээрийн түймрийн утаа, шороон шуурганы улмаас үзэгдэх орчин хязгаарлагдсанаас шалтгаалж "Beiben North Benz" маркийн 5 тээврийн хэрэгсэл мөргөлдсөн зам тээврийн осолд мөрдөн шалгах ажиллагаа явуулж байна.

Ослын улмаас 50 настай, эрэгтэй “Б” гэгч нь гэмтэж, аймгийн Нэгдсэн эмнэлэгт ухаангүй эмчлэгдэж байгаад нас барсан гэж Цагдаагийн ерөнхий газраас мэдээллээ.