Өмнөд Суданд халдлагаар 37 хүн амиа алджээ

Өмнөд Суданы газрын тосоор баялаг нутаг болох Абьей руу халдлага хийж, 37 хүн амиа алджээ.

“Associated Press” агентлагийн мэдээлснээр 36 хүн гэмтэж бэртсэн байна.

Халдлага үйлдэгчид үүнээс гадна 1000 орчим толгой мал хулгайлжээ. Маргаантай газар нутаг Абьейд долоо хоногийн өмнө мөн халдлага болж, 50 гаруй хүн амиа алдсан юм. Амиа алдсан хүмүүсийн дунд НҮБ-ын энхийг сахиулагчид байсан билээ. Зэвсэглэсэн этгээдүүд тосгоны иргэд рүү халдах үеэр 64 хүн шархаджээ.