Жүжигчин Мүн Гын Ён ховор төрлийн өвчнөөр өвчилжээ

Өмнөд Солонгосын жүжигчин Мүн Гын Ён тун удахгүй нээлтээ хийх гэж буй "Hellbound 2"-д дүр бүтээжээ. Удаан хугацааны турш кино урлагаас хол байсан тэрээр ховор төрлийн өвчнөөр өвчилсөн болохоо саяхан олон нийтэд дэлгэжээ. 

Тэрээр энэ тухайгаа өөрийн инстаграм хуудсаар дамжуулан мэдээлсэн бөгөөд жүжигчин бүсгүй булчингийн үйл ажиллагаа алдагдаж, цусны даралт болон эд эсүүдэд өөрчлөлт орж, улмаар булчин болон мэдрэлийн эсүүд гэмтдэг эмгэгээр өвчилж, 2017 онд үүнээс үүдэн дөрвөн удаагийн хагалгаанд оржээ. Хагалгаанд орж, эмчилгээ хийлгээгүй тохиолдолд үе мөчөө тайруулах хүртэл эрсдэлд ордог уг өвчний улмаас Мүн Гын Ён ийнхүү кино урлагаас түр завсарлага авсан байна. 

Энэ тухайгаа тэрээр "Би энэ тухай та бүхэнд хэлэхийг үнэхээр их хүсэж байсан. Төсөөлж байснаас минь ч олон хүн эрүүл мэндийн байдалд минь санаа тавьж байсан. Үүнд би маш их талархаж байна. 

Одоо би бүрэн эдгэрч, биеийн байдал минь маш сайн байгаа. Хэдийгээр бага зэрэг жин нэмсэн ч гэлээ одооноос жингээ барьж, хоолны дэглэм барьж эхэлсэн. Миний биеийн жинд анхаарал хандуулж байгаа хүмүүс минь жингээ хасахад маань ч мөн дэмжлэг үзүүлнэ гэж найдаж байна" гэжээ.