Хамгийн хачирхалтай шалтгаанаар үзэн ядагдсан ТАВАН жүжигчин

Өмнөд Солонгосын алдартнууд хачирхалтай шалтгаанаар олон нийтийн шүүмжлэлд өртөх нь олонтаа. Эдгээр алдартнууд дундаас хамгийн хачирхалтай хийгээд инээдтэй шалтгаанаар олон нийтэд үзэн ядагдсан таван жүжигчнийг танилцуулж байна. 

1. Уг жагсаалтын нэгдүгээрт жүжигчин Хан Су Хи оржээ. Тэрээр биедээ шивээстэй гэх шалтгаанаар олон нийтээс шүүмжлэл хүртсэн бөгөөд эмэгтэй алдартнууд биедээ шивээсгүй байх ёстой гэх бичигдээгүй хуулийг зөрчсөн нь ийнхүү олон нийтэд үзэн ядагдах шалтгаан болжээ. 

2. Жүжигчин Кан Дун Вон Өмнөд Солонгосын хамгийн дур булаам эрэгтэй гэх ангилалд багтдаг ч "Peninsula" киноны хэвлэлийн бага хуралд оролцохдоо өмнөх шигээ царайлаг харагдаагүй гэх шүүмжлэлд өртжээ. Түүнийг дунд эргэм насны эрчүүд шиг харагдаж байгааг онцолсон бөгөөд жүжигчин Кан Дун Вон уг шүүмжлэлийн хариуд "Тухайн өдөр миний биеийн байдал муу байснаас үүдэн нүүр минь бага зэрэг хавагнасан байсан. Би сайнаар ч бай муугаар ч бай урьд өмнөхөөсөө илүү хөгшрөх нь жам ёсны зүйл шүү дээ" гэх хариу тайлбөр өгчээ. 

3. Жүжигчин Жан Гын Сог жингээ барьж чадаагүйн улмаас гадна төрх нь өөрчлөгдсөн гэх шүүмжлэлд өртөж байжээ. 

4. Жүжигчин Гун Хю Жин Кан Ха Нылтэй хамт зургаа авахуулснаас үүдэн шүүмжлэлд өртөж байжээ. Түүнийг Кан Ха Нылтэй зэрэгцэж зогссоноор түүнээс илүү царай муутай харагдаж байна хэмээн интернэт хэрэглэгчид шүүмжилсэн байна. Үүний хариуд Гун Хю Жин "Уучлаарай" гэх хариу тайлбар өгчээ. 

5. Бяцхан жүжигчин И Ру Ын "The World of the Married" кинонд хоёр настай охины дүр бүтээсэн нь шүүмжлэлд өртжээ. Учир нь түүнийг хоёр настай хүүхдийн дүрд тоглоход хэтэрхий "хөгшин" байна хэмээн интернэт хэрэглэгчид шүүмжилсэн байна. Охины гэр бүлийнхэн интернэт хэрэглэгчдэд "Охин маань юу ч мэдээгүй зураг авалтад оролцсон. Түүнийг минь шүүмжилсэн сэтгэгдлүүдээ устгахыг та бүхнээс хүсэж байна. Түүнийг зураг авалтаа амжилттай дуусгахад дэмжлэг үзүүлээрэй" хэмээн хариу тайлбар өгчээ.