Жо Байден шинээр сонгогдсон ерөнхийлөгч Доналд Трамптай уулзана
АНУ-ын одоогийн ерөнхийлөгч Жо Байден шинээр сонгогдсон ерөнхийлөгч Доналд Трамптай арваннэгдүгээр сарын 13-нд Цагаан ордонд уулзаж, Европ, Ази, Ойрх Дорнодтой холбоотой АНУ-ын бодлогын эн тэргүүнд орох асуудлуудыг хэлэлцэнэ гэж тус улсын төрийн тэргүүний Үндэсний аюулгүй байдлын асуудал эрхэлсэн туслах Жейк Салливан телевизийн CBS сувгийн нэвтрүүлэгт оролцохдоо мэдэгджээ.
“Ерөнхийлөгч Жо Байден Европ, Ази болон Ойрх Дорнодод өрнөж буй үйл явдлын талаар ямар байр суурь баримталж байгаагаа шинээр сонгогдсон ерөнхийлөгч Доналд Трампт тайлбарлах, энэ талаар шинэ ерөнхийлөгч ямар бодлого чиглэл баримтлах бодолтой байгааг нь сонсох юм. Шинэ засаг захиргаа Украинд тусламж үзүүлэхээс татгалзах ёсгүй гэсэн байр суурийг Байден шаргуу илэрхийлэх байх” гэж Салливан хэлсэн байна.
Холбоотой мэдээ
Сэтгэгдэл ( 0 )