ФИБА “1xBet” компанитай гурван жилийн гэрээнд гарын үсэг зурав

Олон улсын сагсан бөмбөгийн холбоо /FIBA/ “1xBet” компанитай хамтран ажиллах гурван жилийн гэрээ байгуулж, тус компанийг 2027 оны арванхоёрдугаар сар хүртэлх хугацаанд холбооны Дэлхийн Албан Ёсны Бооцооны Түнш болгон зарлажээ.

Энэхүү түншлэлийн хүрээнд 1xBet нь сагсан бөмбөгийн дэлхий даяарх нөлөөллийг ашиглан өөрийн брэндийн нэр хүндийг өсгөж, FIBA-гийн бүх үндэсний шигшээ багийн болон 3х3 сагсан бөмбөгийн тэмцээнүүдийг дэмжихээр болжээ. 1xBet нь бооцооны салбарт тэргүүлэгч бөгөөд олон улсын спортын элит байгууллагуудтай түншилж байсан туршлагатай компани юм. Энэ удаад FIBA-тай хамтран ажиллах болсон нь тус компанийн хувьд сагсан бөмбөгийн спортод хувь нэмрээ оруулах боломж нээгдэж байна. Гэрээний дагуу FIBA -гийн бүх томоохон эрэгтэй болон эмэгтэй шигшээ багийн тэмцээнүүдэд 1xBet онцгой эрхтэй оролцож, “Спортын бооцоо” болон “Онлайн бооцоо” гэсэн ангилалд тус холбооны цорын ганц албан ёсны түнш болж байна.

Үүнээс гадна, 1xBet нь FIBA -гийн дижитал платформуудад нэгдэх боломжтой болсноос гадна дэлхийн сагсан бөмбөг сонирхогчдод зориулан Game Predictor (тоглолтын үр дүн таамаглах) үйлчилгээг санал болгох юм. Мөн тус компанид FIBA-гийн тэмцээнүүдэд дижитал сурталчилгаа явуулж, дэлхийн зах зээлд боломжуудаа өргөжүүлэх боломж нээгджээ.

FIBA нь сагсан бөмбөгийн спортод шударга өрсөлдөөнийг хангах тэргүүн зорилгынхоо хүрээнд тэмцээний ил тод байдлыг хангах, бооцооны булхай болон хууль бус бооцоотой тэмцэх чиглэлээр идэвхтэй ажилладаг. Энэ хүрээнд 1xBet санхүүгийн дэмжлэг үзүүлж, сагсан бөмбөгийн шударга байдлыг хангахад дэмжлэг үзүүлэх юм. Түүнчлэн 1xBet нь , FIBA-тай хамтран ажиллах, мөрдөн шалгах ажиллагаа болон холбогдох мэдээлэл цуглуулах үүрэг бүхий тусгай Integrity Officer буюу шударга байдлын хяналтын ажилтныг томилох аж. Спортын хөгжөөн дэмжигчдийн дунд алдаршаад буй 1xBet компани "Барселона", "Парис Сан", "Пари Сен-Жермен", LOSC Lille, Италийн Сери А лиг, Африкийн хөлбөмбөгийн холбоо, цахим спортын ESL тэмцээн зохион байгуулагч зэрэг олон томоохон байгууллагуудтай хамтран ажилладаг байна.

Энэхүү гэрээний талаар 1xBet-ийн Тоглоомын албаны захирал Валерий Харитонов: “Бид 1xBet-ийн түүхэн дэх шинэ үеийн босгон дээр ирээд байна. FIBA-тай байгуулсан гэрээ нь бидний брэндийг сурталчлах томоохон боломжуудыг нээж буй стратегийн чухал алхам юм. Энэхүү түншлэл нь сагсан бөмбөг сонирхогчдын оролцоог нэмэгдүүлж, онцгой контент бүтээхэд хувь нэмэр оруулна. Бид энэ спортыг хайрладаг бөгөөд дэлхий даяар сагсан бөмбөгийг идэвхтэй дэмжихэд бэлэн байна” гэжээ. FIBA-гийн Хэвлэл мэдээлэл, маркетингийн үйлчилгээний ерөнхий захирал Франк Леендерс “1xBet компанийг Дэлхийн Түнш болгон хүлээн авч байгаадаа баяртай байна. Ирэх гурван жилийн хугацаанд, ялангуяа 5х5 болон 3х3 тэмцээнүүдийг дэмжих түнштэй болсондоо бид баяртай байна. Талууд хамтын ажиллагаа нь инновац, технологи, сагсан бөмбөгийг хөгжүүлэх ихээхэн хувь нэмэр оруулна гэдэгт итгэлтэй байна” гэжээ.

Олон улсын сагсан бөмбөгийн холбоо нь 212 үндэсний сагсан бөмбөгийн холбоог эгнээндээ нэгтгэсэн бие даасан байгууллага юм. Олон улсын олимпын хороо тус холбоог сагсан бөмбөгийн цорын ганц эрх бүхий байгууллага хэмээн хүлээн зөвшөөрдөг байна.

1xBet нь бооцоо, мөрийтэй тоглоомын салбарт 17 жилийн туршлагатай дэлхийд алдартай компани юм. Тус компани спортын хөгжөөн дэмжигчдэд олон мянган спортын тэмцээнд бооцоо тавих боломжийг олгодог. Тус компанийн цахим хуудас болон аппликейшныг 70 хэл ашигладаг бөгөөд сар бүр гурван сая гаруй хэрэглэгчдэд хүрдэг байна.