НҮБ-ын Аялал жуулчлалын байгууллагад гишүүнээр элсэх хүсэлт өгөв
“Tourism Week – 2026” Үндэсний чуулганы эхний өдрийн арга хэмжээ өнөөдөр эхэлсэн билээ. Тус чуулганд хүндэт зочноор UN Tourism-ийн Ази, Номхон далайн бүсийн Төлөөлөгчийн газрын дарга Кацухиса Ишизаки оролцохоор Монгол Улсад хүрэлцэн ирээд байна. Зочдыг Соёл, спорт, аялал жуулчлал, залуучуудын яамны Аялал жуулчлалын бодлого, зохицуулалтын газрын дарга В.Батчимэг хүлээн авч уулзав.
Уулзалтад Japan International Cooperation Agency (ЖАЙКА)-ийн Тогтвортой аялал жуулчлалын зөвлөлийн зөвлөх Макино Такахико, төслийн зохицуулагч Г.Энхмандах нар оролцлоо.
Уулзалтын үеэр Аялал Жуулчлалын Мэргэжлийн Холбоо UN Tourism байгууллагад гишүүнээр элсэх хүсэлтээ албан ёсоор хүргүүлж, Монгол Улсын аялал жуулчлалын салбарын олон улсын хамтын ажиллагааг өргөжүүлэх, тогтвортой аялал жуулчлалыг хөгжүүлэх чиглэлээр санал солилцов.
Сэтгэгдэл ( 0 )