Хууль зүй дотоод хэргийн сайдаар Г.Тэмүүлэнг 100 хувийн санаалаар дэмжлээ

Монгол Ардын Намын Удирдах зөвлөлийн хурал өнөөдөр Төрийн ордонд болж, Хууль зүй, дотоод хэргийн сайдад нэр дэвшүүлэх асуудлыг хэлэлцлээ.

Хурлаар УИХ-ын гишүүн Г.Тэмүүлэнг Хууль зүй, дотоод хэргийн сайдад нэр дэвшүүлэхийг 100 хувийн саналаар дэмжсэн байна.

Өчигдөр буюу есдүгээр сарын 16-нд Ерөнхий сайд Н.Учрал Хууль зүй, дотоод хэргийн сайд С.Амарсайханыг үүрэгт ажлаас нь чөлөөлсөн. Засгийн газраас ХЗДХ-ийн салбарт үүссэн нөхцөл байдал нь салбарын хэвийн үйл ажиллагаа болон олон нийтийн итгэлд нөлөөлөх хэмжээнд хүрсэн гэж үзсэн талаар мэдээлсэн юм.

Г.Тэмүүлэн нь 2015 оноос МАН-ын Удирдах зөвлөлийн гишүүнээр ажиллаж байгаа бөгөөд 2016 оноос хойш УИХ-ын гишүүнээр сонгогдон ажиллаж байна. Тэрбээр 2016, 2020, 2024 оны сонгуулиар УИХ-ын гишүүнээр дараалан сонгогджээ.