Манай улс 50 сая толгой малтай болжээ

Автор | Zindaa.mn
2012 оны 06 сарын 20
Хүнс, хөдөө аж ахуй, хөнгөн үйлдвэрийн сайд Т.Бадамжунай мал төллөлт, хаврын тариалалтын талаар Засгийн газрын хуралдаанд танилцууллаа. 6 дугаар сарын 15-ны байдлаар 14 сая мал төллөж 14,3 сая төл бойжиж байна. Одоо 1 сая орчим бод мал төллөх бөгөөд нийт 15 сая төл хүлээн авснаар манай улс энэ жил түүхэндээ хамгийн их төл авах юм. Тэгвэл үр тарианы тариалалт 94,6, төмснийх 103,3, хүнсний ногооных 84,6 хувьтай байна. Энэ жил 330 мянга га-д чанар сайтай уринш боловсруулах бөгөөд 6 дугаар сарын 13-ны байдлаар 80 мянган га-д уриншийн нэгдүгээр боловсруулалт хийгээд байна.

Салбарын яам тариаланчдад зориулж техник, тоног төхөөрөмжийн үзэсгэлэн худалдаа зохион, шатахуун, буудайн үр, ургамал хамгааллын бодис, эрдэс бордоог 40-50 хувийн урьдчилгаатайгаар зээлээр олгожээ. Мөн төсвийн хөрөнгө оруулалт, БНХАУ-ын хөнгөлөлттэй зээлээр өндөр хүчин чадлын трактор, бусад техник хэрэгсэл нийлүүлж байна.

Эх сурвалж: http://pmis.gov.mn/

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top