Ё.Отгонбаяр, Х.Тэмүүжин сайдыг буруутган жиргэв

УИХ-ын гишүүн Ё.Отгонбаярын эхнэр О.Эрдэнэсолонго гэх бүсгүй дансандаа хэдэн зуун тэрбумаар тоологдох мөнгө хадгалж байсан нь хууль, хяналтынханы анхаарлыг татаж, түүнийг мөнгө угаасан гэмт хэрэгт холбоотой байж болзошгүй хэмээн цагдан хориод байгаа.

Ямар шалтгаантай ийм их мөнгө хадгалж байсныг нь цагдаагийнхан шалгаж байгаа бөгөөд эрхэм гишүүн ханийнхаа биеийн байдал, сэтгэл санаанд нь анхаарал хандуулж, эхнэртэйгээ уулзах хүсэлт хүргүүлжээ.

Гишүүн хань нь баривчлагдан хоригдчихоод байгаа ч жиргэхээ мартсангүй. Гэхдээ яг энэ асуудлыг хөндөж “Барьж хорилгүй байцааж болдоггvй юм уу. Оргосон зугтсан, мөрдөн байцаалтад саад болсон юмгүй шүү дээ. Гэмгүй хүнийг барьж хорьж болдог юм уу. Хэвлэлээр зарлаж болдог юм уу, байцаахаасаа өмнө” хэмээн Х.Тэмүүжин сайдаас асууж, барьж хорьсонд нь дургүйцэж байна гэдгээ илэрхийлсэн байна. Түүнчлэн эрхэм жиргээчдээсээ хандан нэг зүйлийг гуйжээ.

Тэрбээр, Жиргээчдээ! Миний ханийн асуудлыг битгий улс төржvvлээрэй. Сонгуулийн золиос болгочих вий. Та бvxнээс чин сэтгэлээрээ гуйя хэмээжээ.