Толгой эргэм мөнгөтэй ч ”мэдэхгүй” хэмээн гүрийдэг Сайд асангуудын тухай 20 коммент

1. БСШУ-ны сайд асан Ё.Отгонбаярын эхнэр О.Эрдэнэсолонгын Зоос, Голомт, Улаан­баатар, Худалдаа хөгжлийн банкны нийт 21 дансаар их хэмжээний төгрөгийн болон ам.долларын гүйлгээ 2009-2013 оны хооронд  хийгдсэн тухай мэдэгдсэн.
2. Тэгэхээр БСШУ-ны сайд асан Ё.Отгонбаярын эхнэр гурван банкинд 21 данстай гэдэг тоогоороо монголд анхдагч болж буй. Магадгүй ийм олон данстай анхны бөгөөд сүүлчийн нэгэн байж болох талтай.
3. Мөнгөний тоог анх 323 сая ам.доллар буюу 452 тэрбум төгрөг гэж байсан ч Ё.Отгонбаяр гишүүн “Ийм их мөнгө байхгүй” хэмээн гомдоллож жиргэсээр байгаа учир цагдаагийнхан одоогоор мөнгөний тоог хэлэх боломжгүй хэмээн нууцалчихав.
4. Мөн “Ийм их мөнгийг гэргий маань барьж ч үзээгүй” хэмээсэн юм. Сайн саар гээд л юм бүхэн хөгжсөн өнөө цагт мөнгийг заавал барьж, тоолж имрэхгүйгээр дансандаа хийж байгаад л угаачихдаг гэм бий.  
5. Ё.Отгонбаяр гишүүнтэй холбоотой энэ мөнгөний хэмжээг толгой эргэм гэж хэлж болно. Учир нь 1999 онд Монгол улсын нийт төсөв 280 сая ам.доллар байсан гэдэг. Гэтэл Ё.Отгонбаяр гишүүний эхнэрийн дансан дахь хөрөнгө мөнгө 1999 оны улсын төсвөөс хоёр дахин их мөнгө байлаа.
6. Үнэхээр толгой эргэм баян гишүүн Ё.Отгонбаяр гэж хэлж болохоор байгаа биз.
7. Бараг 500 тэрбумтан болохоо шахаад буй Ё.Отгонбаярын араас ЭМ-ийн сайд асан Н.Хүрэлбаатар шил дарж байна.
8. Хэдэн сарын өмнө Зайсан дахь Зайсан хотхоны нэгэн байрны оршин суугчийн гэрээс сщйф нь алдагдаж тунчиг удалгүй хогийн цэг дээрээс олдсон юм.
9. Уг сейфийг эзэнд нь өгөхөөсөө өмнө цагдаагийнхан хууль журмын дагуу онгойлготол савандаа яаж багтаж байсан юм гэмээр их мөнгө гарч ирсэн юм.

10. Энэ нь хоёр сая 145 мянган юань, 6000 ам.доллар байсан гэдэг. Тухайн үеийн ханшаар бол 500 илүү сая төгрөг гэж байгаа. Гэсэн ч сейфийг гэрээсээ алдсан хархүү тодорхой байцаалт өгөөгүй нь хардлага төрүүлж сейфтэй мөнгөний жинхэнэ эзнийг олох эрэлд мөрдөгчид гарчээ.

11. Гэтэл энэ мөнгө нь ЭМ-ийн сайд асан Н.Хүрэлбаатарынх болж таарав. Түүгээр ч зогсохгүй өөрийн нуувар хүүгийндээ мөнгөө хадгалж байсан талаар хэвлэлүүд шуугиж, мань эр ч төд удалгүй усанд шидсэн чулуу мэт алга болж өгсөн байдаг.

12. Дам сонсохнээ гадаад руу дүрвээд буцаж ирэхгүй байгаа учир интерполоор эрж сурах дээрээ тулаад байсан ч тэрбээр өөрөө ирээд дөнгөнд орчихлоо.

13. Тэрбээр нэгэнтээ нууц хүүгийндээ хадгалж байсан их мөнгөө “Манай базынх” хэмээн хэлээд үзсэн ч өдгөө түүнийг бариад хорьчихсон байгаа нь мөнөөхөн мөнгөтэй зайлшгүй холбоотой бололтой.

14. Ийн хэлснийхээ дараа шалдаа бууж “Би энэ мөнгөөр буяны сүм барих гэж байсан” хэмээсэн иөдийгүй  “Ядууст зориулсан эмнэлэг барих гэсэн юм” хэмээн хэлээд үзэж.

15. Гэсэн ч асуудал ар араасаа ундарсаар байсан тулд хамгийн сүүлд нь Хүний юм. Намайг шударга хүн болохоор нь хадгалуулсан юм” гэсэн нь үхэхдээ үхэр буугаа тавина гэгч болсон бололтой.

16.  Хэдэн жилийн өмнө УИХ-ын гишүүн Г.Занданшатар, У.Хүрэлсүх, Т.Бадамжунай тэргүүтэй хэдэн нөхдүүд Хадгаламж банкнаас 14 тэрбум төгрөг “хусаад” казино тоглосон хэрэг нь тухайн үедээ дуулиан болж ёстой л толгой эргэм их мөнгө гэгдэж байсан бол өдгөө түүнийг хэд нугалсан хүчитнүүд гарч ирж байна.

17. Мөн Татварын ерөнхий газрын Хяналт, шалгалтын хэлтсийн дарга Ч.Гансүх нууц амрагийнхаа дансад хоёр, хүүгийнхээ дансанд 16, Америкт суралцаж байгаа хүүхдүүдийнхээ болон аавынхаа дансанд нэг тэрбум төгрөг тус тус хийсэн байсан нь илэрсэн.

18. Мөн түүний эгч Ч.Даваасүрэн гэх эмэгтэйн дансанд ч их хэмжээний мөнгө төгрөг байршуулсан байсан гэх мэдээлэл бий.

19. Гэтэл МИАТ-ын гэх мөнгө угаасан хэрэг мөн л илэрч тус компанийн дайны эрсдлийн сангийн 700 гаруй сая ам.долларыг угаасан хэрэг нийгэм даяар дуулиан болж түүнд татагдаж буй эрхмүүдийн тоо ч нэлээд хэд болсон.

20. Энэ мэтээр толгой эргэм мөнгөтэй сайд асангуудын мөнгөний хэрэг Татварын Ерөнхий газар болон МИАТ-ын хэргийн араас шил дарж авлигачдыг цочоолоо. Үнэн юм үнэнээрээ сайхан хэргээ хүлээд “хумсалсан” мөнгөө эргүүлээд өгчихөөсэй дээ.