Монголын хамгийн үнэтэй машиныг Д.Дагвадорж аварга унадаг

Монголын баячууд нэг хэсэг сайн моринд үнэ хайрладаггүй байсан. Харин сүүлийн үед сайн машинд үнэ хаядаг болоод байна.  Улаанбаатар банкны ТУЗ-ийн дарга Д.Эрдэнэбилэг 450.000 долларын үнэ бүхий “Мaybach 62” маркийн машин унадаг. Тэгвэл  УИХ-ын гишүүн Х.Баттулгын “Rolls royce phantom” мөн л 450.000 ам.долларын үнэтэй гэнэ. Харин “АПУ “компанийн захирал П.Батсайханы “Мansory Bentley” 350.000 ам.доллароор үнэлэгддэг аж. Харин Монголд хамгийн үнэтэй машиныг сүмо бөхийн 68 дахь их аварга Д.Дагвадорж хөлөглөж байна. Түүний 0068 улсын дугаартай  “Maybach 62S” машин  Монголд төдийгүй дэлхийн хамгийн үнэтэй машины жагсаалтыг тэргүүлдэг гэнэ. “luxury” ангиллын уг машины үнэ 550.000 ам.доллар аж. Үүнээс гадна Их аваргын гараашид “Hummer H1 alpha”, “lexus 570” зэрэг үнэтэй  машинууд хадгалагдаж байдаг аж.