Энэ долоо хоногт дахин цасан шуургатай

Өнөөдөр нутгийн зүүн хэсгээр бага зэргийн хур тунадастай, сэрүүвтэр байна.

Баруун аймгуудын нутгаар үүлшинэ. Алтайн уулсаар бага зэргийн хур тунадас орно. Салхи баруун өмнөөс секундэд 5-10 метр. Хангайн уулархаг нутгаар шөнөдөө 3-8 хэм хүйтэн, өдөртөө 5-10 хэм, Их нууруудын хотгор, Алтайн өвөр говиор шөнөдөө 3-8 хэм, өдөртөө 15-20 хэм дулаан, бусад нутгаар шөнөдөө 2 хэм хүйтнээс 2 хэм дулаан, өдөртөө 11-16 хэм дулаан байна.

Төвийн аймгуудын нутгаар солигдмол үултэй. Шөнөдөө нутгийн зүүн хэсгээр бага зэргийн хур тунадас орно. Өдөртөө хур тунадас орохгүй. Салхи хойноос секундэд 5-10 метр. Шөнөдөө Хөвсгөл, Архангайн хойд хэсгээр 5-10 хэм хүйтэн, бусад нутгаар 0-5 хэм хүйтэн, өдөртөө Булган, Сэлэнгийн нутгаар 11-16 хэм, бусад нутгаар 7-12 хэм дулаан байна.

Зүүн аймгийн нутгаар солигдмол үүлтэй. Шөнөдөө нутгийн хойд хэсгээр бага зэргийн хур тунадас орно. Өдөртөө хур тунадас орохгүй. Салхи хойноос секундэд 6-11 метр. Шөнөдөө 1 градус дулаанаас 4 хэм хүйтэн, өдөртөө 12-17 хэм дулаан байна.

Говийн аймгуудын нутгаар солигдмол үүлтэй. Хур тунадас орохгүй. Салхи баруунаас секундэд 5-10 метр. Шөнөдөө Өмнөговийн нутгаар 1-6 хэм дулаан, бусад нутгаар 3 хэм дулаанаас 2 хэм хүйтэн, өдөртөө бүх нутгаар 14-19 хэм дулаан байна.

Маргааш шөнө баруун болон төвийн нутгийн хойд хэсгээр, 4-нд зарим газраар, 5-нд нутгийн зүүн хагаст, 6-нд зүүн зүгийн нутгаар хур тунадас, уулархаг нутгаар нойтон цас орно. Салхи 3-нд Алтайн уулархаг нутгаар секундэд 12-14 метр, 4-нд зарим газраар, 5, 6-нд говь талын нутгаар секундэд 18-20 метр хүртэл ширүүсч шороон болон цасан шуурга шуурна. 4-нд нутгийн хойд хэсгээр, цаашдаа нутгийн зүүн хагаст хүйтэрч шөнөдөө Хангай, Хөвсгөлийн уулархаг нутгаар 4-9 хэм хүйтэн, Их нууруудын хотгор, говийн бүс нутгаар 1-6 хэм дулаан, бусад нутгаар 0-5 хэм хүйтэн, өдөртөө Хангай, Хөвсгөлийн уулс, Орхон-Сэлэнгийн сав, Дорнод Монголын тал нутгаар 1-6 хэм, Их нууруудын хотгор, Алтайн өвөр говиор 13-18 хэм дулаан, бусад нутгаар 8-13 хэм дулаан байна.

Эх сурвалж: МОНЦАМЭ