Хятад улс цаазаар авах ялаа цөөлөв

Бүх хятадын ардын их хурлын Байнгын хорооны тогтоолоор 2011 оны 5 дугаар сарын 1-ээс эхлэн зарим эдийн засгийн шинжтэй эрүүгийн гэмт хэрэгт цаазаар авах ялыг хэрэглэхгүй болсон байна. Ингэснээр Хятад улсад цаазаар авах ялын зүйл анги жаран наймаас тавин тав болон буурчээ.

Энэ 13 зүйл ангид, Түүхийн болон соёлын өв, үнэт эдлэл, хүрэл цутгамал, хүн, амьтны чулуужсан яс, ховор ан амьтан түүний түүхий эдээр хийсэн бүтээгдэхүүн, энгийн бараа бутээгдэхүүнийг улсын хилээр их хэмжээгээр нуун дарагдуулж, хил дамлан худалдах, мөнгө, үнэт цаас, татварын бүх төрлийн баримт бичгийг хуурамчаар үйлдэх зэрэг эдийн засгийн гэмт хэргүүд орсон байна.

Эх сурвалж: Монцамэ