Нэг өгүүлбэрээр танд хүргэе

• Монгол Улсаас Катар Улсад суугаа Онц бөгөөд Бүрэн эрхт элчин сайд К.Сайраан энэ оны тавдугаар сарын 2-ны өдөр Катар Улсын эрхэм дээд Эмир Шейх Хамад бин Халифа аль-Танид Итгэмжлэх жуух бичгээ барив.
• Монгол, Узбекстаны Гадаад хэргийн яамдын III зөвлөлдөх уулзалт Улаанбаатар хотноо боллоо.
• Нийслэлийн хэмжээнд цэрэг татлага, гэрээт болон дүйцүүлэх албанд цэрэг элсүүлэх ажил энэ сарын 6, 7, 8-нд болно.
• Нийслэлийн Өмч хувьчлалын комиссын 2008 оны 75 дугаар тогтоолын 3, мөн онд байгуулсан “Худалдах, худалдан авах гэрээ”-ний 3-ын 8.5-ын 1, түүнчлэн Төрийн болон орон нутгийн өмчийн тухай хуулийн 62 дугаар зүйлийн нэг дэх хэсгийн 4, 7, 9 дэх заалтуудыг зөрчин гэрээгээр хүлээсэн үүргээ биелүүлээгүй “Улаанбаатар таймс” сонины менежментийн багийн хувьчлалыг хүчингүй болголоо.
• Баянгол дүүргийн нутаг Х хороололд орших Спорт цогцолборын барилгыг Нийслэлийн иргэдийн төлөөлөгчдийн хурлын Тэргүүлэгчдийн хуралдаанаас нээлттэй дуудлага худалдаагаар худалдах шийдвэр гаргажээ.
• “ALBO” ХХК-ийн барилга дээр ажиллаж байсан монгол иргэн Г.Бат-Эрдэнэ, хятад иргэн Хэ Лун Тан нар барилгын хавтанд дарагдсаны улмаас БНХАУ-ын иргэн Хэ Лун Тан нь нас барсан асуудалд Баянгол дүүргийн Цагдаагийн хэлтэс Эрүүгийн хуулийн 95 дугаар зүйлийн 95.1.2-т зааснаар эрүүгийн 21132635 тоот хэрэг  үүсгэн шалгаж байна.
• Энэ оны дөрөвдүгээр сарын 21-ний өдөр Сүхбаатар дүүргийн шүүхэд болсон шүүх хуралдааны үеэр өмгөөлөгч Э.Туулыг “Гэмт хэрэгтэнг өмгөөлж өмөгөөлөгчөөр оролцлоо” гэж эрх чөлөөнд нь халдсан гэмт хэрэг гарсан асуудлаар тус дүүргийн Цагдаагийн хэлтэс энэ сарын 3-ны өдөр эрүүгийн 21135588 тоот хэрэг үүсгэн шалгаж байна.

Эх сурвалж: МОНЦАМЭ