34.7 их наядын хөрөнгө, орлого ил болсон гэв
Эдийн засгийн ил тод байдлыг дэмжих тухай хууль хэрэгжсэнээр 34.7 их наяд төгрөгийн хөрөнгө, орлого ил болж, 8.3 их наяд төгрөгийн татвар болон 2.5 их наяд төгрөгийн торгууль алдангиас тус, тус чөлөөлжээ. Энэ тухай мэдээллийг Сангийн сайд Б.Болор, Татвар, гаалийн ерөнхий газрын дарга С.Пүрэв нар өнөөдөр сэтгүүлчдэд мэдээлэл хийх үеэрээ онцоллоо. Ил болсон хөрөнгө, орлогын энэхүү мөнгөн дүн цаашид ч өсөх боломжтой аж. Учир нь урьдчилсан мэдээгээр ийм дүн гарчээ.
Энэхүү орлогыг ил болгохтой холбоотойгоор иргэд, аж ахуйн нэгжүүд 21275 санхүүгийн тайлан, 89394 татварын тайлан,4165 нийгмийн даатгалын тайлан, 8140 гаалийн нөхөн мэдүүлгийг холбогдох байгууллагад хүргүүлж, 647 төрлийн эд хөрөнгийн болон 744 хуулийн этгээдийн бүртгэлд 1176 удаагийн нэмэлт, өөрчлөлт оруулсан байна.
Эдийн засгийн ил тод байдлыг дэмжих тухай хуулийн хүрээнд нийгмийн даатгалын шимтгэл болон улсын тэмдэгтийн хураамжийг чөлөөлөөгүй тул ил болж буй цалингийн сантай холбоотой 15.6 тэрбум төгрөгийн нийгмийн даатгалын шимтгэл төсөвт төвлөрчээ.
Холбоотой мэдээ
Сэтгэгдэл ( 2 )
Ene zasgiin gazar zuv bodlogo bolovsruulsnii ehnii alham .edin zasgin il tod baidliin tuhai huulin daguu ard irged bas zuv oilgolt olj avsan bh.harin hoishid hun bur adil tegsh huuliin daguu tatvaraa tolj tulj eh orniihoo hogjil devshild hubi meneree oruulj bhiig urialtsgaayaa!!!!
hulgaich naraa urshuuchihuud il tailagnsniih ni golomtiig samraad ih l muuhai yum hij bndaa ta nar .iim huuli gargaj bhd tuluh hvn oldohgvi shvv.dahiadl urshuul hvleene.