Төрийн албаныхан биедээ хэдэн төгрөгтэй явах ёстой вэ?
АТГ-ынхан өнгөрсөн гуравдугаар сард гаалийн нэр бүхий улсын байцаагч нарыг авлига авч байх үйлдэл дээр нь баривчилжээ. Эндээс сэжүүр авч, дараа нь тав хоног Замын-Үүдийн гаальд ажиллахдаа гэнэтийн шалгалт хийж, сургалт явуулж, тэнд гурав ба түүнээс олон жил ажилласан байцаагч нартай уулзсан байна. Тус гаалийн газраас АТГ-т хөрөнгө орлогоо мэдүүлдэг 159 албан тушаалтны мэдүүлгийг нягталж тулгалт хийхэд 35 албан тушаалтан зарим хөрөнгө орлого, байр, зээл, бусад үл хөдлөх хөрөнгөө мэдүүлээгүй зөрчил илэрчээ. Шалгалтын үеэр гаалийн ажилтнуудын томилгоонд улстөрийн нөлөө их ордог, төлөвшөөгүй, бэлтгэгдээгүй хүмүүсийг олноор томилдог, шударга зарчимч туршлагатай ажилтанд өсч дэвжих тогтолцоо нь гажуудсан зөрчил илэрсэн гэж АТГ-ынхан дүгнэсэн байна. АТГ-ын энэ дүгнэлттэй Замын-Үүдийн гаалийнхан ч, олон нийт ч санал нэгдэх нь тодорхой юм. Гаалийн байцаагчаар ихэнхдээ өөр мэргэжлийн хүмүүсийг ердөө 14 хоногийн сургалтаар бэлтгээд дээд газрын тушаал, шахалтаар ажилд томилдог учраас Замын-Үүдийн гаалийн газар одоо ч орон тооны илүүдэлтэй ажилладаг байна. Өндөр үнэтэй барааны нэр төрлийг өөрчлөн мэдүүлэх, гаалийн байцаагч болон ачаа тээвэрлэгч нарын дунд “зуучлагч” гэх албан бус сүлжээ бий болсон нь тэнд авлига, шан харамж авах таатай нөхцөлийг бүрдүүлж байна гэж АТГ-ынхан үзжээ. Ер нь л тус газрынхан Замын-Үүдийн гаалийн газрыг улсын төсвийн хөрөнгийг зориулалт бусаар зарцуулах гэмт хэргийн шинжийг агуулсан нөхцөлтэй байж болзошгүй гэсэн нь ихээхэн ноцтой дүгнэлт юм.
Энэ шалгатын үеэр болон сургалт хийх явцад Замын-Үүдийн гаалийнхан төрийн албан хаагч биедээ хэдэн төгрөгтэй явах ёстойг хамгийн ихээр асууж байжээ.
Дашрамд дурдахад АТГ-ынхан дараагийн шалгалт, сургалтыг Дорнодын гаалийн газарт хийхээр төлөвлөжээ. Гэтэл хамгийн хоржоонтой нь гэнэт очих ёстой шалгалтын мэдээлэл “алдагдаж” Дорнодын гаалийнхан аль хэдийнэ шинэ халадаа өмсч, ширээний бүтээлгээ солиод хүлээж байгаа сурагтай.
эх сурвалж: itoim.mn
Холбоотой мэдээ
Сэтгэгдэл ( 1 )
энэ авилагатай тэмцэх газар нйгмийн даатгалынханыг нэг шалгах хэрэгтэй Бурхан болоочдын тэтгэврийг хувааж иддэг нь үнэн шүү дээ Банк нийгмийн даатгал иргэн гуравуулаа нийлж байгаад бурхан болоочийнхоо тэтгэврийг хувааж иддэг Өндөр настай хүнд олон сараар тэтгэврийн зээл өгчихөөд нас барсаныхан дараа ар гэрийнхэнийг дарамталж байгаад дахин зээл авхуулж өөсдөө хувь хүртдэг Цагдаагийн байгууллага үүнийг олж чадахгүй ҮҮнд нас барсаныг тодорхойлж өгдөг эмч ,улсын иргэний бүртгэл хүртэл холбоотой Монголын цагдаа үүнийг хэзээч олж чадахгүй нэг хэсэг сүртэй мэдэгдэл хийчихээд таг болсон биздээ