Муур нохойн аль нь эзэндээ илүү хайртай вэ

Хүн төрөлхтөн хариултыг нь мэдэхийг хамгийн их хүсдэг асуултын нэг нь муур, нохойн аль нь эзэндээ илүү хайртай байдаг тухай. Яг л “Өндөг тахиа хоёрын аль нь анхдагч вэ” гэдэг шиг. Гэхдээ өндөг, тахианаас ялгаатай нь энэ асуултын хариулт олдчихсон байдаг юм. Эрдэмтдийн олон жил хийсэн судалгааны үр дүнгээс харахад, муурнаас илүү нохой эзэндээ илүү хайртай байдаг нь тодорхой болжээ. Эзэн нь анхаарал хандуулж, тоглоход муу мэдээж баярладаг, гэхдээ нохой шиг их биш гэнэ. Хүн, муур, нохой ялгаагүй тусдаа ухаант бодьгалиуд болохоор харилцаанаас их зүйл шалтгаалах нь мэдээж. Гэхдээ л нохой муурыг бодвол эзэндээ илүү үнэнч, хайртай гэдэг нь тогтоогджээ. “ВВС” телевиз саяхан энэ талаар тусгай баримтат кино бэлтгэн дэлхий нийтэд цацсан байна.   

Түүнчлэн, хүн ч гэсэн муурнаас илүү хүнд хайртай гэдэг нь ч тодорхой болсон байна. Хайртай зүйлээ харахад хүний тархинд окситоцин гэдэг бодис ялгардаг. Жишээ нь, эхнэр, хүүхдээ харахад цусан дахь окситоцины хэмжээ 40-60 хувиар ихэсдэг гэнэ. . Нохойтой тоглоход ч энэ бодис ялгардаг бол харин мууртай тоглох, эрхлүүлэх үед бараг ялгардаггүй ажээ.

Нохойн хувьд, эзэнтэйгээ тоглох үед цусан дахь окситоцтины хэмжээ 60 хувиар нэмэгдэж байсан бол муурных дөнгөж 12 хувь байжээ. Өөрөөр хэлбэл, нохой эзнээ хараад муурнаас тав дахин их баярладаг гэсэн үг юм. яагаад гэдгийн учрыг эрдэмтэд одоогоор олж тогтоогоогүй. Гэхдээ нохой нь муурыг бодвол хоол ундны хувьд эзнээсээ илүү хамааралтай байдагтай холбоотой байж магадгүй гэж таамаглаж байгаа аж.  

С.Төгөлдөр