НЦГ: Олон удаагийн үйлдэлтэй гэмт этгээдийг баривчиллаа

Өвөрхангай аймгийн Хархорин суманд олон удаагийн хулгайн гэмт хэрэг хийсэн этгээдийг саатууллаа. Тодруулбал, тус сумын “Ганган Орхон” багийн нутаг дэвсгэрт байрлах "Манлай-тод" захаас монет, мөнгөн эдлэл болон 70 орчим гар утас хулгайлсан этгээдийг энэ сарын 5-аас 6-нд шилжих шөнө Нийслэлийн цагдаагийн газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид дайчлан баривчилсан байна.

Энэхүү хэргийг Улаанбаатар хотын харъяат 28 настай Б гэгч үйлдсэн бөгөөд дээрх этгээд нь өмнө нь хулгайн гэмт хэргээр ял шийтгэгдэж байсан ажээ. Хэргийг үргэлжлүүлэн шалгаж байна.

Б.ЦОГ

WWW.ZINDAA.MN