Солонгост ХАРЛАСАН ИРГЭДИЙГ өршөөлд хамруулна

Б.Гантуяа | Zindaa.mn
2018 оны 10 сарын 04

БНСУ-ын Хууль зүйн яамны харьяа Цагаачлалын албанаас, тус улсад хууль бусаар оршин суугаа гадаадын иргэдэд өршөөл үзүүлэх аяныг 2018 оны аравдугаар сарын 1-нээс эхлүүлжээ. Өршөөлийн аян ирэх 2019 оны гуравдугаар сарын 31-ний өдөр хүртэл үргэлжлэх ба дээрх хугацаанд хууль бусаар оршин суугаа гадаадын иргэд сайн дураараа эх орондоо буцсан тохиолдолд БНСУ-д буцаж ирэхэд нь хилийн хоригоос чөлөөлөхөөр болжээ.

Харин баривчилгаанд өртсөн иргэдийг дээд тал нь 10 жил хүртэлх хугацаагаар БНСУ-д дахин нэвтрэх эрхийг нь хязгаарлах бөгөөд хууль бусаар оршин суугч гадаадын иргэдэд ажил олгосон аж ахуйн нэгжүүд, ажилд зуучлагчдад эрүүгийн хариуцлага хүлээлгэхээс гадна торгууль ногдуулах, үйл ажиллагааг нь зогсоох хүртэл хатуу арга хэмжээ авах тухай мэдэгдсэн байна.

Оюутан, гэр бүлийн гишүүн зэрэг хөдөлмөр эрхлэх визгүй иргэд хууль бусаар хөдөлмөр эрхэлсэн тохиолдолд мөн албадан нутаг буцаах ажээ. Иймд БНСУ-д визийн хугацаа хэтрүүлэн хууль бусаар оршин суугаа манай улсын иргэдийг энэхүү өршөөлийн аяныг ашиглан эх орондоо буцаж ирэхийг Монгол Улсын ГХЯ-ны Консулын газраас зөвлөж байна.

Б.ЦОГ

WWW.ZINDAA.MN

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (150.129.142.56)  2018 оны 10 сарын 04

Өмхий Согоос хурдан ир залуусаа

0  |  0
naraa (172.68.254.108)  2018 оны 10 сарын 04

orshooliin xuuliar nutag butsaj bga xvnd toorguuli noogduulxuu

0  |  0
Top