Садар самуун сурталчилдаг фэйсбүүк группыг хаалаа

Эрүүгийн цагдаагийн албаны Цахим гэмт хэрэгтэй тэмцэх хэлтсийн алба хаагчид фэйсбүүк дэх садар самуун агууламжтай мэдээ мэдээлэл солилцдог зарим группыг хаажээ.

Тодруулбал, 35 мянган гишүүнтэй “Санхүү өгнө, авна” гэх нэртэй фэйсбүүк группын үйл ажиллагааг “Фэйсбүүк” компанитай хамтран явуулж буй үйл ажиллагааны хүрээнд таслан зогсоосон байна. Түүнчлэн цаашид дээрхтэй ижил садар самуун мэдээлэл солилцдог группуудын үйл ажиллагааг зогсоох, хаах арга хэмжээ авна хэмээн мэдээллээ.

Б.ЦОГ

WWW.ZINDAA.MN