Эрэн сурвалжлагдаж байсан этгээдүүдийг баривчилжээ

Албан үргээ гүйцэтгэж явсан цагдаагийн алба хаагчийг дайрч, хэргийн газраас оргон зайлсан хоёр этгээдийг цагдаагийн ажилтнууд өнгөрсөн шөнө 01.00 цагийн үед нийслэлийн Сүхбаатар дүүргийн нутаг дэвсгэр, Майхан толгой орчмоос дайчлан баривчилсан байна.

Сэжигтнүүд 2018 оны аравдугаар сарын 15-ны өдөр 11:30 цагийн орчим нийслэлийн Сүхбаатар дүүргийн нутаг дэвсгэрт Япон цогцолборын орчимд “04-96 УБР” улсын дугаартай машинаар цагдаагийн алба хаагчийн шаардлагыг эсэргүүцэн, биед нь халдаж, машинаа орхин зугтаасан юм. 

Сэжигтэн Б.Энхбаяр өмнө ял эдэлж байсан бол Б.Лундаа  гэмт хэрэгт холбогдон шалгагдаж байжээ.

Д.Дамдин

www.zindaa.mn