Халдвартай иргэн гал тогоонд ажилласнаас хордлого гарчээ

 “Монос” эмийн үйлдвэр, Орхон аймгийн “Эмпати” сургууль болон Багануур дүүргийн “Наран” ресторанд хордлого гарсан нь халдварын голомтод нян тээгч ажиллаж байсантай холбоотой гэдгийг Мэргэжлийн хяналтын ерөнхий газраас мэдээллээ.

Мэргэжлийн хяналтын ерөнхий газар /МХЕГ/-аас Хүнсний үйлдвэрлэл, худалдаа, үйлчилгээ, цэцэрлэг, сургуульд ажиллагсдын Эрүүл мэндийн урьдчилан сэргийлэх үзлэг, шинжилгээний дэвтэрт шалгалт хийжээ. Шалгалтаар зарим байгууллагын эмч, эмнэлгийн тамга, тэмдгийг хуурамчаар үйлдсэнийг илрүүлсэн байна. Үүнээс гадна зөвшөөрөл бүхий эмнэлгүүд хүртэл үзлэг, шинжилгээ хийхгүйгээр дэвтэрт “Үзсэн” гэж бичсэн зөрчил илэрчээ.

"Өвчтэйгөө мэдээгүй иргэн дэвтрээ хуурамчаар бөглүүлснээр ажлын орчиндоо халдвар тараах эрсдэлтэй. Ялангуяа худалдаа, үйлчилгээний газарт ажилладаг бол олон хүнийг хохироох магадлал өндөр" гэж МХЕГ-ынхан анхааруулав.  

Б.ЦОГ

WWW.ZINDAA.MN