Индонезид жагсаалын үеэр зургаан хүн амиа алджээ

2019 оны 05 сарын 22

Индонезид бүх нийтийн сонгуулийн дүнг зарласны дараа нийслэл Жакарта хотод олон нийтийг хамарсан жагсаал болжээ. “Тhe Straits Times” сонинд мэдээлснээр энэ үеэр зургаан хүн амиа алдсан байна. 200 гаруй хүн гэмтэж бэртжээ.

Хотын захирагч иргэддээ тайвнаар жагсахыг уриалж, хууль, хүчнийхэнд хандан тэвчээртэй байхыг хүсчээ. Одоогийн байдлаар 58 хүн баривчлагдсан байна.

Индонезчүүд Ерөнхийлөгч, Дэд ерөнхийлөгч болон үндэсний парламентын гишүүдийг сонгосон билээ. Тус улсын Сонгуулийн ерөнхий хорооноос мэдээлснээр одоогийн Ерөнхийлөгч Жоко Видодо сонгогчдын 55.5 хувийн саналаар ялалт байгуулжээ. Түүний өрсөлдөгч Прабово Субиантод иргэдийн 44.5 хувь нь саналаа өгсөн байна. Индонезийн Дэд ерөнхийлөгчөөр Мааруф Амин сонгогджээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top