“Мон-30” цахилгаан автобус нийтийн тээвэрт үйлчилж эхэллээ

Байгаль орчинд ээлтэй, үндэсний үйлдвэрлэлийн “Мон-30” загварын том оврын хоёр ширхэг цахилгаан автобус өнөөдрөөс /2019.12.25/ нийтийн тээврийн үйлчилгээнд явж эхэллээ. Энэ оны аравдугаар сард үйлдвэрлэгчдийн зүгээс “Мон-30” загварын хоёр ширхэг цахилгаан автобусыг нийслэлд хүлээлгэн өгөөд байсан юм. Тэгвэл  нийслэлийн нийтийн тээврийн үйлчилгээнд явуулах шийдвэрийг хотын удирдлагууд гаргаснаар ийнхүү нийслэлийн иргэдэд цахилгаан автобус үйлчилж эхлэв. 

“Мон-30 цахилгаан автобуснуудыг нийтийн тээврийн Ч-1 буюу Энхтайваны өргөн чөлөөнд хөдөлгөөнд оролцож байна. Цахилгаан автобусыг Монгол Улсын зөвлөх инженер Д.Жаргалсайхан захиралтай “Монгол машин” ХХК үйлдвэрлэн гаргасан юм.