1072 хувьцааны ногдол ашгийг ТАВДУГААР САРААС олгож эхэлнэ

М.Хангал | Zindaa.mn
2020 оны 02 сарын 17

“Эрдэнэс-Тавантолгой” ХК-ийн ТУЗ-өөс хувьцаа эзэмшигчдэд ногдол ашиг өгөх шийдвэр гаргасантай холбогдуулан өнөөдөр /2020.02.17/ УУХҮ-ийн сайд Д.Сумъяабазар, “Эрдэнэс-Тавантолгой” ХК-ийн ТУЗ-ийн дарга Б.Баярсайхан болон Гүйцэтгэх захирал Б.Ганхуяг нар мэдээлэл хийлээ. 

“Эрдэнэс-Тавантолгой” ХК-ийн ТУЗ-өөс нэгж хувьцаанд 90 төгрөг олгох бөгөөд 1072 ширхэг хувьцаатай иргэнд 96480 төгрөг оногдох юм.

Компанийн тухай хуулийн дагуу ТУЗ-өөс гаргасан уг шийдвэрийг энэ оны тавдугаар сарын 1-ний дотор Хувьцаа эзэмшигчдийн хурлаар хэлэлцүүлэх аж. Мөн Санхүүгийн зохицуулах хорооны ногдол ашиг хуваарилах шинэ журмын дагуу 2020 онд Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдэд ногдол ашгийг олгох юм байна. Ингэхдээ иргэд хувьцааны дансаа баталгаажуулсан байх шаардлагатай.

ШУУД ҮЗЭХ

Түүнчлэн ногдол ашиг тараах шийдвэртэй холбоотойгоор ETT нэгдсэн бүртгэлийн аппликейшнийг бүтээсэн бөгөөд уг аппликейшнийг татаж авснаар иргэд хувьцааныхаа тоо ширхгийг шалгах, мэдээ мэдээлэл авах, санал өгөх зэргээр ашиглаж цаашдаа “Эрдэнэс-Тавантолгой” ХК-тай хувьцаа эзэмшигчийн зүгээс холбогдох, хөрөнгийн зах зээлд оролцох бүрэн боломжтой болох юм.

Энэ тухай дэлгэрэнгүй мэдээллийг тус компанийн веб сайт, пэйж хуудас, Эрдэнэс-Тавантолгой апликейшн, 1072 пэйж хуудас болон 1800-1072 тусгай утаснаас авах боломжтой юм байна. Мөн хувьцаа эзэмшигчдийн хурал хүртэл даваа гараг бүрийн 13:00 цагаас ногдол ашиг болон компанийн үйл ажиллагаатай холбоотой мэдээллийг тогтмол өгч ажиллахаар болжээ.

“Эрдэнэс-Тавантолгой” ХК-ийн ногдол ашиг дараах хуваариар явна.

  1. Иргэд бүртгүүлэх ёстой.
  2. Дөрөвдүгээр сарын 17-нд болох хувьцаа эзэмшигчдийн хурлаар ногдол ашиг олгох эрхийг нээнэ.
  3. Тавдугаар сараас эхэлж ногдол ашиг олгож эхлэх бөгөөд 2020 онд багтааж ногдол ашиг олгох ажиллагааг хийх юм байна.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(103.10.22.87) 2020 оны 02 сарын 18

Жил болгон сонгууль болдог бол жил болгон ямар нэг халамжийн ч юм уу өөр шалтгаанаар бэлэн мөнгө тараах байх даа. Тэгээд байвал энэ луяварчид байнга л гишүүн сайд албан тушаалдаа байгаад л байх болов уу\n

0  |  0
Od(182.160.32.182) 2020 оны 02 сарын 18

Mask oldohgui bgaa baihoo

0  |  0
Od(182.160.32.182) 2020 оны 02 сарын 18

Negen yriltslagiinhaa ueer setgiilchidiig am ruu hiichihene uu? geed l baisan. Ooroo saidiinhaa hajuud tomrood MASK aa ch zuuhgui, tahal taraah geed baigaa ymuu esvel tomor bietei ym uu?

0  |  0
Top