БНСУ-д халдварын тохиолдол 556-д хүрч, дөрвөн хүн нас барлаа

2020 оны 02 сарын 23

Өмнөд Солонгост коронавирусийн халдварын тархалт эрчимтэй нэмэгдэх хандлагатай байгааг албаныхан анхааруулсан билээ.

Тэгвэл өнөө өглөөний /2020.02.23/ байдлаар тус улсын хэмжээнд коронавирусийн халдварын тохиолдол 556-д хүрчээ. Нэг шөнийн дотор 123 шинэ тохиолдол бүртгэгдэн, нас барсан хүний тоо дөрөв боллоо. 

Бусан хотод 2, Дэгүд 93, Гуанжу хотод 1, Кёнги мужид 2, Хойд Гёнсан мужид 20, Өмнөд Гёнсан мужид 4, Чэжү аялал жуулчлалын тусгай бүсэд 1 тохиолдол тус тус илэрсэн байна. Шинээр илэрсэн 123 тохиолдлын 75 нь Дэгү хотын Шинчөнжи христийн сүмээс халдвар авсан байна. Үлдсэн 48 тохиолдлын халдварын шалтгааныг тодруулахаар ажиллаж байгаа аж.

Өмнөд Солонгост өнөөдрийн байдлаар нийт 6041 иргэний шинжилгээний хариу хүлээгдэж байгаа аж. Нийт 18 иргэн бүрэн эдгэрч, эмнэлгээс гарсан бол дөрвөн хүн нас барсан харамсалтай мэдээг өнөөдөр мэдэгдлээ. 

БНСУ-д шинэ төрлийн коронавирусийн халдварын улмаас нас барсан анхны тохиолдол энэ сарын 19-нд бүртгэгдсэн юм.

Өмнөд Солонгост ажиллаж, амьдарч буй монголчуудад хандан тус улс дахь Монгол Улсын Элчин сайдын яамнаас зөвлөмж, сэрэмжлүүлэг гаргасан билээ.

Дэлхийн эрүүл мэндийн байгууллага болон Эрүүл мэндийн яамнаас гаргасан зөвлөмжүүдийг дагаж, өндөр халуурах, ханиалгах, дотор муухайрч, огих зэрэг шинж тэмдэг илэрвэл БНСУ-ын Халдварт өвчин судлалын төвийн 1339 /24 цагаар ажиллана/, Цагаачлалын албаны 1345 /09.00-22.00 цагийн хооронд монгол хэлээр хариулт өгнө/ тусгай дугааруудад болон ойролцоох эмнэлгийн байгууллагад хандаарай.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zaluu(109.183.244.156) 2020 оны 02 сарын 23

hileen haahgui baiz busad zuiliig horiod jmarch hereggui heden coohon mongolchuud udahgui ustah bololtoi \n

0  |  0
ИРГЭН(64.119.17.84) 2020 оны 02 сарын 23

Хилээ хаая бид цагаан сараа хүртэл больсон Эхнии үзлэгээр халуунгүи ,24 хоногиин дотор яавал яана

0  |  0
Bx(192.82.75.177) 2020 оны 02 сарын 23

ENE CORONA DIILDEXGUUNEE. EM VAKRSIN GARDAGGUI L YUM BOL. NILEEN OLON XUN CHAD XIIX BAIIX

0  |  0
ёрын эмгэн вэ(182.160.38.80) 2020 оны 02 сарын 23

халдвар тараасан новшийн эмгэнийг өөрөө үхэхгүй үлдчихвэл цаазлах байлгүй

0  |  0
Top