Өнөөдрийн байдлаар 547 иргэн ТУСГААРЛАХ БАЙРНААС гарчээ

З.Тэмлүүн | Zindaa.mn
2020 оны 04 сарын 07

Эрүүл мэндийн яамны өнөөдрийн /2020.04.07/ мэдээлснээр Монгол Улсад коронавируст "Ковид-19" халдварын сэжигтэй тохиолдол нэмж бүртгэгдээгүй байна. Яамнаас өгсөн шинэ мэдээллийг тоймлон хүргэе. 

  • ХӨСҮТ-д эмчлүүлж байсан хоёр иргэн эдгэрч, өнөөдөр эмнэлгээс гарч байна.
     
  • Эдгээр иргэдэд гурав хоногийн хугацаанд нийт таван төрлийн шинжилгээ хийхэд хариу нь сөрөг гарсан бөгөөд сувилалын газарт үргэлжлүүлэн тусгаарлаж, ажиглалт болон шинжилгээ хийх юм.
     
  • Монгол Улсад гаднаас зөөвөрлөгдөн ирсэн буюу анхны батлагдсан тохиолдол болох Франц иргэний биеийн байдал сайн байна.
     
  • Дархан-Уул аймагт тусгаарлагдсан зургаан иргэний шинжилгээнд халдвар илрээгүй.
     
  • ХӨСҮТ-д тусгаарлагдсан есөн хүний давтан шинжилгээнд халдвар илрээгүй.
     
  • Токио-Улаанбаатар чиглэлийн тусгай үүргийн онгоцоор зорчиж ирсэн 182 хүний шинжилгээнд халдвар илрээгүй.
     
  • Улсын хэмжээнд уушгины хатгалгаа өвчнөөр оношлогдон эмчлүүлж буй өвчтөнүүдээс тандалт, судалгааны чиглэлээр авсан 25 сорьцонд халдвар илрээгүй байна.
     
  • ХӨСҮТ-д өнөөдрийн байдлаар нийт 222 хүн тусгаарлагдан ажиглалт, хяналт, тандалт, шинжилгээ, эмчилгээнд хамрагдаж байна.
     
  • 2020.04.06-нд тус эмнэлгээс нийт 63 хүн гарч, гэрийн тусгаарлалт, ажиглалт, хяналтанд шилжсэн байна.
     
  • Улсын хэмжээнд тусгаарлах байруудад нийт 1530 хүн ажиглалт, хяналт, тандалт, шинжилгээнд хамрагдаж, биеийн байдал болон эмнэлгийн тусламж, үйлчилгээ хэвийн байна.
     
  • 2020.04.06-ны байдлаар нийт 547 хүн тусгаарлах байрнаас гарч, гэрийн тусгаарлалтанд шилжсэн байна.
Top