Элсэлтийн ерөнхий шалгалтын бүртгэл ХААГДЛАА

Элсэлтийн ерөнхий шалгалт өгөх шалгуулагчдын онлайн бүртгэл www.eec.mn  цахим хуудсаар орон даяар 2020 оны хоёрдугаар сарын 10-ны өдөр эхэлж, өчигдөр /2020.04.15/ 18:00 цагт хаагдлаа.

ЭЕШ-ын бүртгэлийн хугацаа, цагийг сунгахгүй ба нэмэлт бүртгэл хийхгүй гэдгийг Боловсролын үнэлгээний төв /БҮТ/-өөс мэдэгдэж байгаа юм.

Энэ жил Ерөнхий боловсролын сургуулийг 28 мянган хүүхэд төгсөх юм. Өмнөх жилийн төгсөгчидтэй нийлээд 31 мянган сурагч их, дээд сургуульд орох ЭЕШ өгөх тооцоо байна.