Диана гүнжийн 60 насны ойд зориулан хөшөө босгоно

Я.Болор | Zindaa.mn
2020 оны 08 сарын 29

 

Лондон хотод Диана гүнж мэндэлсний 60 жилийн ойд зориулсан хөшөө босгоно гэж ВВС агентлаг мэдээлжээ. Кенсингтоны ордны цэцэрлэгт хүрээлэнд байрлах Дианагийн хөшөөг 2021 оны долоодугаар сарын 1-нд нээхээр болсон байна.

Хөшөө бүтээх захиалгыг  Диана гүнжийн хүү ханхүү Уильям, Харри нар 2017 онд өгчээ. Хатан хаан II Элизабетын Британийн зоосон мөнгөн дээр сийлсэн дүрийг бүтээж байсан уран барималч Иэн Рэнк Бродли гүнжийн хөшөөг бүтээж байна.

Лондон хотноо Диана гүнжийн гэгээн дурсгалд зориулсан хэд хэдэн дурсгалт газар байдаг.

Диана гүнж 1997 оны наймдугаар сарын 31-нд Парис хотноо автомашины осолд орж, амь үрэгдсэн билээ. Түүний тухай олон тооны ном, кино бий. Хэвлэлүүд түүнийг ХХ зууны хамгийн алдартай эмэгтэйгээр тодруулж байсан төдийгүй хамгийн олон удаа гэрэл зургийг нь авч байсан эмэгтэйгээр тодорч байжээ. 2002 онд ВВС агентлагаас явуулсан санал асуулгаар Диана гүнж Агуу британичуудын жагсаалтын гуравт бичигдэж, II Элизабет болон Британийн бусад хаадыг ардаа орхиж байв.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Su ah (202.179.26.56)  2020 оны 08 сарын 30

1960 онд төрсөн юм байх даа. Захиалгат аллага байсан гэж боддог. Францын Парис аллага үйлдэх зориулалттай юм шиг эмх замбараа муутай хот.

0  |  0
Z (202.9.46.222)  2020 оны 08 сарын 29

Нуд нь ямар гоё өнгөтэйн бэ

0  |  0
Top