24 ЦАГТ: Ковидын 2009 шинэ тохиолдол илэрч, 15 хүн нас барлаа

Коронавирусний халдварын нөхцөл байдлын талаарх өнөөдрийн ээлжит мэдээлэлийг хүргэе.

(2021.09.10)

Сүүлийн 24 цагт "Ковид-19"  халдварын 2009 шинэ тохиолдол илэрлээ. Мөн архаг хууч өвчтэй, ковид хавсарсан 21-80 насны 15 хүн /9 эмэгтэй, 6 эрэгтэй/ ковидын бус шалтгаанаар буюу үндсэн оношлогдсон өвчний улмаас нас барсан байна.

Насны бүлгээр нь авч үзвэл:

• 21-40 настай-1
• 41-60 настай-3
• 61-80 настай-11

Шинээр бүртгэгдсэн тохиолдлыг задалбал

• Улаанбаатарт - 651
• Орон нутагт - 1357

Харин өнгөрөгч хоногт ковидоор өвчилсөн 4168 хүн эдгэрчээ. Өнөөдрийн байдлаар эмнэлэгт нийт 21.213 хүн эмчлүүлж байна.

Эмнэлэгт хэвтэн эмчлүүлж буй иргэдийн биеийн байдал:

• Хөнгөн-14.143
• Хүндэвтэр-5123
• Хүнд-1603
• Маш хүнд-344

Хэвтэн эмчлүүлж буй иргэдийн 2797 нь хүүхэд байгаа бол 1120 нь жирэмсэн эх байна.