Монгол бүсгүй Их Британийн Шилдэг санхүүчээр шалгарлаа

The Great British Businesswoman Series-ээс Их Британийн санхүү, бизнесийн салбарын 2021 оны шилдэг долоон эмэгтэйг шалгаруулжээ.
 

Их Британийн Засгийн газрын зөвлөхөөр ажиллаж байгаа монгол бүсгүй Л.Дулмаазул шилдэг долоон санхүүчийн тоонд багтсан байна.

Л.Дулмаазул 10 гаруй жил SMBC Bank Japan банкны Лондон дахь салбарт ажиллаж, Европ, Төв Ази, ОХУ, Казахстан, Туркменистан, Азербайжан дахь том төслүүдийн хөрөнгө оруулалт, санхүүжилтийг хариуцан ажиллаж байсан.

Тэрээр Прага хотын Карловын их сургууль, Токиогийн Гадаад судлалын их сургуулийг дүүргэсэн. Оксфордын их сургуулийн санхүү, удирдлагын магистр цолтой юм.