24 ЦАГТ: Ковидын 2409 шинэ тохиолдол илэрч, 14 хүн нас барлаа

Коронавирусний халдварын нөхцөл байдлын талаарх өнөөдрийн ээлжит мэдээлэлийг хүргэе.

(2021.10.06)

Сүүлийн 24 цагт Ковид-19 халдварын 2409 шинэ тохиолдол бүртгэгдсэн бол 7813 хүн эдгэрчээ.

Мөн хугацаанд архаг хууч өвчтэй, ковид хавсарсан 14 /7 эмэгтэй, 7 эрэгтэй/ хүн нас барсан байна. Үүнээс нэг нь ковидын улмаас нас баржээ. Талийгаачдын ар гэрт гүн эмгэнэл илэрхийлье.

Насны бүлгээр нь авч үзвэл

• 0-20 настай-1
• 41-60 настай-3
• 61-80 настай-6
• 80-аас дээш настай-4

Шинээр бүртгэгдсэн тохиолдлыг задалбал

• Улаанбаатарт - 1316
• Орон нутагт - 1092

Аймгуудаас өдөрт гарсан халдварын тоо хамгийн өндөр байгаа нь Төв (303), Хэнтий (108) байгаа бол Өвөрхангай, Увс аймагт өнгөрсөн хоногт халдвар нэмж бүртгэгдээгүй байна .

Өнөөдрийн байдлаар эмнэлэгт 22.158, гэрийн хяналтанд 55.363 хүн байна. Хэвтэн эмчлүүлэгсдийн 3960 нь хүүхэд, 1521 нь жирэмсэн эх.

Эмнэлэгт хэвтэн эмчлүүлж буй иргэдийн биеийн байдал
 

• Хөнгөн-13.227
• Хүндэвтэр-6487
• Хүнд-2098
• Маш хүнд-346