ХӨВСГӨЛ: Хөвсгөл нуурын орчимд 37.9 км хатуу хучилттай авто зам тавина

Автор | Zindaa.mn
2022 оны 01 сарын 13

"Тогтвортой аялал жуулчлалыг хөгжүүлэх төслийн нэгж" Хөвсгөл нуурын байгалийн цогцолборт газарт баригдах 37.9 км хатуу хучилттай авто замын барилгын ажил эхлүүлэх уулзалт зохион байгууллаа. 

Төслийн хүрээнд Хөвсгөл нуурын байгалийн цогцолборт газарт хийгдэх аялал жуулчлалын дэд бүтцийг дэмжих томоохон бүтээн байгуулалтын ажлууд хийгдэх юм.

Үүнд,
 

  • Хатгалын төв замыг Хатгал-Жанхай-Тойлогт чиглэлийн авто замтай холбох 2 км хатуу хучилттай авто зам барих
     
  • Хатгал-Жанхай-Тойлогт чиглэлийн 30.4 км хатуу хучилттай авто зам барих
     
  • Хатгал-Хүзүүвчийн шил-Ашихай чиглэлийн 5.5 км хатуу хучилттай авто зам барих
     
  • Хатгал орчмын 7 байршилд авто зогсоол барих
     
  • Хөвсгөл нуурын байгалийн цогцолборт газарт 2 чиглэлд явган болон морин аяллын жим тохижуулах зэрэг ажлууд хийгдэхээр төлөвлөгдөж аймгийн удирдлагуудтай төслийн баг санал бодлоо солилцлоо.

Уг төсөл хэрэгжсэнээр нуурын эрэг дагуух одоогийн хайрган хучилттай замыг хатуу хучилттай болгож сайжруулснаар замын тоосжилтоос үүдэлтэй нуурын усны болон орчны бохирдлыг бууруулах, олон салаа замаар хяналтгүй зорчих байдлыг багасгах, дотоод, гадаадын аялагч, жуулчдын тав тухтай зорчих нөхцөл бүрдүүлэх давуу талтай юм. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top