II сарын 14-нөөс 100 хувь танхимаар хичээллэхээр боллоо

Засгийн газрын өнөөдрийн хуралдаанаар II улирлын хичээл, сургалтын үйл ажиллагааг эхлүүлэх асуудлыг хэлэлцлээ.

Боловсрол шинжлэх ухааны сайд Л.Энх-Амгалан энэ долоо хоногийн эхээр мэдээлэл хийж, сургууль, цэцэрлэгийг танхим болон цахим гэсэн хосолсон хэлбэрээр хоёрдугаар сарын 14-нд эхлүүлнэ гэж мэдэгдэж байсан.

Тэгвэл өнөөдрийн Засгийн газрын хуралдаанаар сургууль, цэцэрлэгийн үйл ажиллагааг хоёрдугаар сарын 14-ний өдрөөс 100 хувь танхимаар эхлүүлэхээр боллоо.

Уг шийдвэрийг ЭМЯ-наас өгч буй халдварын оргил үе буурч байна гэх судалгаатай уялдуулан гаргажээ. 

Түүнчлэн цэцэрлэгт 3-5 настай хүүхдийг хамруулна. Цэцэрлэгийн үйл ажиллагааг танхимаар зохион байгуулахдаа нэг анги, бүлэгт хичээллэх хүүхдийн тоо 20±5 байхаар зохицуулахаар боллоо.