Дуу цахилгаантай бороо орж, салхи ширүүснэ

Ихэнх нутгаар өнөөдөр бороо орно. Маргааш нутгийн зүүн хагаст бороо үргэлжлэн орж, салхи зарим газраар түр зуур, секундэд 16-18 метр хүрч ширүүснэ. Нөгөөдөр баруун зүгийн нутгийн зарим газар, төвийн нутгийн баруун, зүүн зүгийн нутгийн зүүн хэсгээр, 9-нд баруун болон төвийн нутгаар, 10-нд төвийн нутгийн зүүн хэсэг, зүүн зүгийн нутгийн зарим газраар түр зуурын бороо орно. Дуу, цахилгаантай борооны өмнө салхи түр зуур ширүүснэ. Алтай, Хангай, Хөвсгөл, Хэнтийн уулархаг нутгаар шөнөдөө 3-8 градус, өдөртөө 13-18 градус, говийн бүс нутгаар шөнөдөө 12-17 градус, өдөртөө 24-29 градус, бусад нутгаар шөнөдөө 6-11 градус, өдөртөө 19-24 градус дулаан байхыг Ус цаг, уурын хүрээлэнгээс анхааруулав.    

Эх сурвалж: Зууны мэдээ сонин