Ө.Мөнхжин ОУ-ын балетын XIV уралдаанд ТУСГАЙ БАЙР эзэллээ

2022 оны 06 сарын 15

Дуурь, бүжгийн эрдмийн театрын Балетын гоцлооч Ө.Мөнхжин Олон улсын балетын XIV уралдаанд амжилттай оролцон, “Дипломант” болж, Монголын балетын хөгжлийн түвшин, балетчидын ур чадварыг дэлхийн тавцанд цуурайтууллаа.

1969 оноос 4 жил тутам зохион байгуулагдаж ирсэн “Балетын олимп” хэмээгддэг тус уралдаан Большой театрын тайзнаа 2022 оны зургаадугаар сарын 03-аас 11-ний өдрүүдэд амжилттай зохион байгуулагдлаа.

Тус тэмцээнд Монгол Улсаа төлөөлөн ДБЭТ-ын Балетын тэргүүн гоцлооч О.Анужин /МУГЖ/, Балетын гоцлооч Б.Марал, Г.Нямцэрэн, Д.Нацагдорж /МУСТА/  Ө.Мөнхжин, О.Даваадорж, А.Тэмүүлэн, Х.Галтулга нар амжилттай оролцсон. Тэднээс эрэгтэй ганцаарчилсан төрөлд Балетын гоцлооч ӨЛЗИЙЖАРГАЛЫН МӨНХЖИН “Тусгай байр” эзэлж “Дипломант” боллоо.

Ө.Мөнхжин нь ОХУ-ын Пермь хотын Сонгодог бүжгийн сургуулийг балетын жүжигчин мэргэжлээр төгсөж, 2018 оноос Дуурь Бүжгийн Эрдмийн Театрт балетын жүжигчнээр ажиллаж байна.

Түүний олон улсын тэмцээнд үзүүлж байсан амжилтуудаас дурдахад: 2017 онд БНХАУ-ын Бээжин хотод зохион байгуулагдсан “IBCC 2017” тэмцээнээс тусгай байр, 2019 онд ОХУ-ын Улаан-Үд хотод зохион байгуулагдсан “Российско-Японский Евразийский конкурс артистов балета” тэмцээнээс мөнгөн медаль тус тус хүртсэн байна.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Z(202.9.46.138) 2022 оны 06 сарын 16

Мундаг бн. Соло төрөлд Оросуудын дараа л жагссан бн

1  |  0
z(66.181.178.252) 2022 оны 06 сарын 15

balet u hh?

0  |  0
Top